ಇತ್ತೀಚಿನ ದಿನಗಳಲ್ಲಿ ನಿದ್ರೆಯ ಸಮಸ್ಯೆಗಳು ವೇಗವಾಗಿ ಹೆಚ್ಚುತ್ತಿವೆ. ರಾತ್ರಿಯಲ್ಲಿ ಸರಿಯಾಗಿ ನಿದ್ರೆ ಮಾಡದೇ ಇದ್ದಾಗ ದಿನವಿಡೀ ಆಲಸ್ಯ ಕಾಡುತ್ತದೆ. ಇದು ಕೆಲಸಕ್ಕೆ ತೊಂದರೆ ಉಂಟುಮಾಡುವುದರ ಜೊತೆಗೆ ಆರೋಗ್ಯಕ್ಕೂ ಅಪಾಯಕಾರಿ. ಕೆಲವರಿಗೆ ರಾತ್ರಿ ಮಲಗುವಾಗಲೂ ಚಡಪಡಿಕೆ ಇರುತ್ತದೆ. ಇದ್ದಕ್ಕಿದ್ದಂತೆ ಉಸಿರು ನಿಂತಂತೆ ಎನಿಸುತ್ತದೆ. ನೀವು ಕೂಡ ಇದೇ ರೀತಿಯ ಸಮಸ್ಯೆಯನ್ನು ಹೊಂದಿದ್ದರೆ ಜಾಗರೂಕರಾಗಿರಿ. ಏಕೆಂದರೆ ಇದು ಅಪಾಯಕಾರಿ ನಿದ್ರೆಯ ಕಾಯಿಲೆ ಒಬ್ಸ್ಟ್ರಕ್ಟಿವ್‌ ಸ್ಲೀಪ್ ಅಪ್ನಿಯಾದ ಸಂಕೇತವಾಗಿದೆ.
ಸ್ಲೀಪ್ ಅಪ್ನಿಯಾ
ಇದು ತುಂಬಾ ಅಪಾಯಕಾರಿ ನಿದ್ರೆಯ ಕಾಯಿಲೆಯಾಗಿದೆ. ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ, ಇದು ಮಾರಣಾಂತಿಕವಾಗಬಹುದು. ಪ್ರಪಂಚದಾದ್ಯಂತ ಪ್ರತಿ ವರ್ಷ ಈ ರೋಗದ ಪ್ರಕರಣಗಳು ಹೆಚ್ಚುತ್ತಿವೆ. 50 ವರ್ಷಗಳ ನಂತರ ಸ್ಲೀಪ್ ಅಪ್ನಿಯಾ ಹೆಚ್ಚಾಗಿ ಕಂಡುಬರುತ್ತವೆ.
ನಿದ್ರೆಯಲ್ಲಿ ಉಸಿರುಗಟ್ಟಿದಂತಾಗುವುದೇಕೆ?
ಆರೋಗ್ಯ ತಜ್ಞರ ಪ್ರಕಾರ ನಿದ್ರೆಯಲ್ಲಿ ಉಸಿರುಕಟ್ಟುವಿಕೆಯಿಂದಾಗಿ, ಉಸಿರಾಟದ ಪ್ರದೇಶದ ಸ್ನಾಯುಗಳು ದುರ್ಬಲವಾಗುತ್ತವೆ ಮತ್ತು ನೇತಾಡಲು ಪ್ರಾರಂಭಿಸುತ್ತವೆ. ಈ ಕಾರಣದಿಂದಾಗಿ, ಉಸಿರಾಟದ ಪ್ರದೇಶವು ನಿರ್ಬಂಧಿಸಲ್ಪಡುತ್ತದೆ ಮತ್ತು ಉಸಿರಾಟದ ತೊಂದರೆ ಉಂಟಾಗುತ್ತದೆ. ರಾತ್ರಿ ಮಲಗುವಾಗ ಚಡಪಡಿಕೆ ಇದರ ಆರಂಭಿಕ ಲಕ್ಷಣವಾಗಿದೆ. ಅಂತಹ ಸಮಸ್ಯೆಯ ಸಂದರ್ಭದಲ್ಲಿ, ಅಜಾಗರೂಕತೆಯನ್ನು ತಪ್ಪಿಸಬೇಕು ಮತ್ತು ತಕ್ಷಣ ವೈದ್ಯರನ್ನು ಭೇಟಿ ಮಾಡಬೇಕು.
ನಿದ್ರೆಯ ಸಮಸ್ಯೆ ಏಕೆ ಹೆಚ್ಚುತ್ತಿದೆ?
ವೈದ್ಯರ ಪ್ರಕಾರ ಇಂದಿನ ಜೀವನಶೈಲಿಯು ನಿದ್ರೆಯ ಕೊರತೆಯನ್ನು ಉಂಟುಮಾಡುತ್ತದೆ. ಇದರಿಂದಾಗಿ ನಿದ್ರೆಯ ಮೇಲೆ ಪರಿಣಾಮ ಬೀರುತ್ತದೆ. ಇದರ ಸಂಪೂರ್ಣ ಪರಿಣಾಮ ಆರೋಗ್ಯದ ಮೇಲೆ ಬೀಳುತ್ತದೆ. ಸರಿಯಾಗಿ ನಿದ್ದೆ ಮಾಡದಿದ್ದರೆ ಹೃದ್ರೋಗ, ಬೊಜ್ಜು ಮತ್ತು ಮಧುಮೇಹ ಬರುವ ಅಪಾಯವಿದೆ. ನಿದ್ರೆಯ ಕೊರತೆಯು ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನೂ ಉಂಟುಮಾಡುತ್ತದೆ. WHO ಪ್ರಕಾರ, ಇಡೀ ಜಗತ್ತಿನಲ್ಲಿ 100 ಕೋಟಿಗೂ ಹೆಚ್ಚು ಜನರು ನಿದ್ರೆಯ ಸಮಸ್ಯೆಯಿಂದ ತೊಂದರೆಗೀಡಾಗಿದ್ದಾರೆ. ಅಬ್ಸ್ಟ್ರಕ್ಟಿವ್ ಸ್ಲೀಪ್ ಅಪ್ನಿಯ ಇದಕ್ಕೆ ದೊಡ್ಡ ಕಾರಣ.ಸ್ಲೀಪ್
ಅಪ್ನಿಯಾ ಲಕ್ಷಣಗಳು…
ರಾತ್ರಿಯಲ್ಲಿ ಅತಿಯಾದ ಗೊರಕೆ
ಇಡೀ ದಿನ ದಣಿದ ಭಾವನೆ
ರಕ್ತದೊತ್ತಡದಲ್ಲಿ ಹಠಾತ್ ಏರಿಕೆ
ರಾತ್ರಿಯಲ್ಲಿ ಉಸಿರಾಟದ ತೊಂದರೆ
