ಎರಡು ಹೊಸ ಬಣ್ಣದೊಂದಿಗೆ ಯಮಹಾ FZ-S FI V4 ಬೈಕ್ ಲಭ್ಯ

ಯಮಹಾ ಬೈಕ್ ಖರೀದಿ ಮಾಡುವವರಿಗೆ ಮತ್ತಷ್ಟು ಉತ್ತಮ ಆಯ್ಕೆಗಳಿವೆ. ಅದೇನೆಂದರೆ 2 ಹೊಸ ಬಣ್ಣಗಳಲ್ಲಿ ಯಮಹಾ FZ-S FI V4 ಬರುತ್ತಿರುವುದನ್ನ ಕಂಪನಿ ಘೋಷಿಸಿದೆ. ಡಾರ್ಕ್ ಮ್ಯಾಟ್ ಬ್ಲೂ ಮತ್ತು ಮ್ಯಾಟ್ ಬ್ಲ್ಯಾಕ್ ನಲ್ಲಿ ಯಮಹ ಸ್ಪೋರ್ಸ್ಉನ ಬೈಕ್ ಲಭ್ಯವಿದೆ . ನವೀಕರಿಸಿದ FS-S FI V4 ನ ಬೆಲೆ ರೂ 1,28,900 (ಎಕ್ಸ್ ಶೋ ರೂಂ) ನಿಂದ ಪ್ರಾರಂಭವಾಗುತ್ತದೆ. ನವೀಕರಿಸಿದ ಬಣ್ಣದ ಪ್ಯಾಲೆಟ್ ಜೊತೆಗೆ FZ-S ಶ್ರೇಣಿಯಲ್ಲಿ ಯಾವುದೇ ಬದಲಾವಣೆಗಳಿಲ್ಲ. ಮೆಟಾಲಿಕ್ ಗ್ರೇ, ಮೆಜೆಸ್ಟಿ ರೆಡ್ ಮತ್ತು ಮೆಟಾಲಿಕ್ ಬ್ಲ್ಯಾಕ್ ಎಂಬ ಅಸ್ತಿತ್ವದಲ್ಲಿರುವ ಬಣ್ಣಗಳ ಜೊತೆಗೆ ಇದೀಗ ಎರಡು ಹೊಸ ಬಣ್ಣದ ಬೈಕ್ ಲಭ್ಯವಿರುತ್ತವೆ.

ಯಮಹಾ FZ-S ವೈಶಿಷ್ಯ್ಜಗಳು

ಯಮಹಾ FZ-S FI V4 ಬೈಕ್ 149ಸಿಸಿ ಇಂಜಿನ್‌ನಿಂದ ಶಕ್ತಿ ಪಡೆಯುತ್ತದೆ. ಈ ಎಂಜಿನ್ 7,250 ಆರ್‌ಪಿಎಂನಲ್ಲಿ 12.2 ಬಿಎಚ್‌ಪಿ ಶಕ್ತಿ ಮತ್ತು 5,500 ಆರ್‌ಪಿಎಂನಲ್ಲಿ ಗರಿಷ್ಟ 13.3 Nm ಟಾರ್ಕ್ ಅನ್ನು ಹೊರಹಾಕುತ್ತದೆ. ಎಂಜಿನ್ ಅನ್ನು 5-ಸ್ಪೀಡ್ ಗೇರ್‌ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ. FZ-S ಬಹುಕಾರ್ಯ LCD ಉಪಕರಣ ಕ್ಲಸ್ಟರ್, LED ಹೆಡ್‌ಲೈಟ್, ಟೈರ್ ಹಗ್ಗಿಂಗ್ ರಿಯರ್ ಮಡ್‌ಗಾರ್ಡ್, ಲೋವರ್ ಇಂಜಿನ್ ಗಾರ್ಡ್ ಮತ್ತು ಬ್ಲೂಟೂತ್ ಸಕ್ರಿಯಗೊಳಿಸಿದ ವೈ-ಕನೆಕ್ಟ್ ಅಪ್ಲಿಕೇಶನ್ ಅನ್ನು ಹೊಂದಿದ್ದು ಅದು ಅನುಕೂಲಕರ ಕಾರ್ಯಗಳನ್ನು ಒದಗಿಸುತ್ತದೆ. ಇದು 13-ಲೀಟರ್ ಇಂಧನ ಟ್ಯಾಂಕ್ ಹೊಂದಿದ್ದು 136 ಕೆ.ಜಿ. ತೂಕವಿದೆ.

ಹಬ್ಬದ ಋತುವಿನಲ್ಲಿ FZ-S ಶ್ರೇಣಿಯಲ್ಲಿ ಹೊಸ ಬಣ್ಣದ ಯೋಜನೆಗಳ ಪರಿಚಯವು ನಿಸ್ಸಂಶಯವಾಗಿ ಜಪಾನಿನ ಬೈಕ್‌ಮೇಕರ್‌ಗೆ ಮಾರಾಟವನ್ನು ಹೆಚ್ಚಿಸಲಿದೆ ಮತ್ತು ಭಾರತದಾದ್ಯಂತ ಗ್ರಾಹಕರೊಂದಿಗೆ ಬಲವಾದ ಸಂಪರ್ಕ ಹೊಂದುವ ನಂಬಿಕೆ ಸಂಸ್ಥೆಗಿದೆ.