ಯಾವುದೇ ಮಗುವಿಗೆ ತನ್ನ ಮೊದಲ ಬೈಸಿಕಲ್ ಎಂದಿಗೂ ಸ್ಪೆಷಲ್ ಆಗಿರುತ್ತೆ. ನಾವು ಮೊಟ್ಟ ಮೊದಲ ಬಾರಿಗೆ ಸೈಕಲ್ ಓಡಿಸಲು ಕಲಿತಿದ್ದು, ಸೈಕಲ್ನಲ್ಲಿ ಮೊದಲ ಬಾರಿಗೆ ಬಿದ್ದಿದ್ದು ಇವೆಲ್ಲ ಮರೆಯೋಕೆ ಸಾಧ್ಯವಿಲ್ಲ. ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋವೊಂದರಲ್ಲಿಯೂ ತಾಯಿ ಮಗುವಿಗೆ ಸಪ್ರೈಸ್ ಗಿಫ್ಟ್ ಆಗಿ ಬೈಸಿಕಲ್ ನೀಡಿದ್ದು ಆಕೆಯ ಮಗನ ರಿಯಾಕ್ಷನ್ ಮನಸ್ಸಿಗೆ ನಾಟುವಂತಿದೆ.
ಇನ್ಸ್ಟಾಗ್ರಾಂನಲ್ಲಿ ಕ್ರಿಶ್ಚಿಯನ್ ಫಿಗುರೊವಾ ಈ ವಿಡಿಯೋವನ್ನ ಶೇರ್ ಮಾಡಿದ್ದಾರೆ. ಬ್ಯಾಗ್ ಧರಿಸಿದ್ದ ಹುಡುಗ ತನ್ನ ಬೆಡ್ ರೂಮ್ ಬಾಗಿಲು ತೆರೆದಾಗ ಅಲ್ಲಿದ್ದ ಹೊಸ ಬೈಸಿಕಲ್ ನೋಡಿ ಮೂಕವಿಸ್ಮಿತನಾಗುತ್ತಾನೆ. ಕೂಡಲೇ ತನ್ನ ತಾಯಿಗೆ ಅಪ್ಪುಗೆ ನೀಡುತ್ತಾನೆ. ಅಲ್ಲದೇ ಬಾಲಕನಿಗೆ ತನ್ನ ಅಳುವನ್ನ ನಿಯಂತ್ರಿಸೋಕೆ ಆಗೋದಿಲ್ಲ. ಬೈಸಿಕಲ್ ಬಳಿಗೆ ಹೋಗುವಾಗಲೂ ಬಾಲಕ ಅಳುತ್ತಲೇ ಇರೋದನ್ನ ನೋಡಬಹುದಾಗಿದೆ.
ಸ್ವಂತ ಬೈಸಿಕಲ್ ಬೇಕು ಅನ್ನೋದು ಈ ಬಾಲಕನ ಬಹುದೊಡ್ಡ ಕನಸಾಗಿತ್ತಂತೆ. ಪದೇ ಪದೇ ಸ್ನೇಹಿತರಿಂದ ಸೈಕಲ್ ಪಡೆದುಕೊಂಡು ಅದರಲ್ಲೇ ಮಗ ಆಸೆ ತೀರಿಸಿಕೊಳ್ಳುತ್ತಿದ್ದನ್ನು ನೋಡಿದ ತಾಯಿಯು ಮಗನಿಗೆ ಒಂದು ಬೈಸಿಕಲ್ ಕೊಡಿಸಬೇಕು ಅಂತಾ ನಿರ್ಧಾರ ಮಾಡಿದ್ದರಂತೆ.
ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಬಾರೀ ಮೆಚ್ಚುಗೆ ಪಡೆದಿದ್ದು ತಾಯಿಯ ಪ್ರೀತಿ ಹಾಗೂ ಮಗನ ರಿಯಾಕ್ಷನ್ನ್ನು ಎಲ್ಲರೂ ಕೊಂಡಾಡಿದ್ದಾರೆ. ಅನೇಕರು ಮಗನ ಆಸೆ ತೀರಿಸಿದ ತಾಯಿಗೆ ಧನ್ಯವಾದ ಹೇಳಿದ್ದಾರೆ. ಹಾಗೂ ಬಾಲಕನ ರಿಯಾಕ್ಷನ್ ನೋಡಿ ನಮಗೂ ಅಳು ಬರ್ತಿದೆ ಎಂದು ಅನೇಕರು ರಿಯಾಕ್ಟ್ ಮಾಡಿದ್ದಾರೆ.
Loading ...
