Video | ಅಮೆರಿಕಾ ಪ್ರವಾಸ ವೇಳೆ ಭಾರತ ಮೂಲದ ಯುವಕನಿಗೆ ಕೊಟ್ಟಿದ್ದ ಭರವಸೆ ಈಡೇರಿಸಿದ ರಾಹುಲ್

ತಮ್ಮ ಅಮೆರಿಕ ಪ್ರವಾಸ ವೇಳೆ ಭಾರತ ಮೂಲದ ಯುವಕ ಅಮಿತ್ ಗೆ ನೀಡಿದ್ದ ಮಾತನ್ನು ವಿಪಕ್ಷ ನಾಯಕ ರಾಹುಲ್ ಗಾಂಧಿ ಪೂರ್ಣಗೊಳಿಸಿರುವ ಪ್ರಸಂಗ ನಡೆದಿದೆ. ಇಂದು ಮುಂಜಾನೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹರಿಯಾಣದ ಕರ್ನಾಲ್ ಜಿಲ್ಲೆಯ ಘೋಗ್ರಿಪುರ ಗ್ರಾಮಕ್ಕೆ ಅನಿರೀಕ್ಷಿತ ಭೇಟಿ ನೀಡಿದರು. ಮುಂಜಾನೆ 5 ಗಂಟೆಗೆ ಆಗಮಿಸಿದ ಲೋಕಸಭೆಯ ವಿರೋಧ ಪಕ್ಷದ ನಾಯಕ ಈಗ ಅಮೇರಿಕಾದಲ್ಲಿ ನೆಲೆಸಿರುವ ಹಳ್ಳಿಯ ಯುವಕ ಅಮಿತ್ ಅವರ ಕುಟುಂಬವನ್ನು ಭೇಟಿ ಮಾಡಿದರು. ರಾಹುಲ್, ಅಮಿತ್ ಅವರ ಕುಟುಂಬದೊಂದಿಗೆ ಸಂವಾದ ನಡೆಸಿ, ತಮ್ಮ ಅಮೆರಿಕ ಪ್ರವಾಸದ ಸಮಯದಲ್ಲಿ ಯುವಕನಿಗೆ ನೀಡಿದ ವೈಯಕ್ತಿಕ ಭರವಸೆಯನ್ನು ಈಡೇರಿಸಿದರು.

ರಾಹುಲ್ ಗಾಂಧಿ, ಅಮಿತ್ ಅವರ ತಾಯಿ ಬಿರಾಮತಿ ಮತ್ತು ತಂದೆ ಬೀರ್ ಸಿಂಗ್ ಅವರನ್ನು ಭೇಟಿಯಾಗಿ ಅಮಿತ್ ಅವರಿಗೆ ವೀಡಿಯೊ ಕರೆ ಮಾಡಲು ಸಹಾಯ ಮಾಡಿದರು. ರಾಹುಲ್ ಆಗಮನದ ಬಗ್ಗೆ ಸ್ಥಳೀಯ ಕಾಂಗ್ರೆಸ್ ನಾಯಕರಿಗೂ ತಿಳಿಸಿರಲಿಲ್ಲ. ಅಮಿತ್ ಕುಟುಂಬದೊಂದಿಗೆ ಸುಮಾರು ಎರಡು ಗಂಟೆಗಳ ಕಾಲ ಸಮಯ ಕಳೆದ ನಂತರ ರಾಹುಲ್ ಗಾಂಧಿ ಅಲ್ಲಿಂದ ನಿರ್ಗಮಿಸಿದರು.

ಹಾಗಾದರೆ ಅಮಿತ್ ಯಾರು ಮತ್ತು ರಾಹುಲ್ ಗಾಂಧಿ ಅವರ ಕುಟುಂಬವನ್ನು ಭೇಟಿ ಮಾಡಿದ್ದೇಕೆ ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ಅಮಿತ್ ಸಿಂಗ್ ಹರಿಯಾಣದ ಘೋಗ್ರಿಪುರ ಗ್ರಾಮದ ಯುವಕನಾಗಿದ್ದು, ಕಳೆದ ಒಂದೂವರೆ ವರ್ಷದಿಂದ ಅಮೆರಿಕದಲ್ಲಿ ನೆಲೆಸಿದ್ದಾರೆ. ದುರಂತವೆಂದರೆ ಅವರು ವಿದೇಶದಲ್ಲಿದ್ದಾಗ ಅಪಘಾತಕ್ಕೀಡಾಗಿ ಗಂಭೀರ ಗಾಯಗಳಾಗಿವೆ. ಇತ್ತೀಚೆಗೆ ಅಮೇರಿಕಾ ಪ್ರವಾಸದ ವೇಳೆ ರಾಹುಲ್ ಗಾಂಧಿ ಅಮಿತ್ ಅವರನ್ನು ಖುದ್ದಾಗಿ ಭೇಟಿ ಮಾಡಿ, ಅಪಘಾತದ ನಂತರ ಅಮಿತ್ ಎದುರಿಸಿದ ಸವಾಲುಗಳ ಬಗ್ಗೆ ಚರ್ಚಿಸಿದರು. ಭಾರತಕ್ಕೆ ಹಿಂದಿರುಗಿದ ನಂತರ ಅಮಿತ್ ಅವರ ಕುಟುಂಬವನ್ನು ಭೇಟಿ ಮಾಡುವುದಾಗಿ ಭರವಸೆ ನೀಡಿದರು.

ಘೋಗ್ರಿಪುರದಲ್ಲಿರುವ ಅಮಿತ್ ಮನೆಗೆ ರಾಹುಲ್ ಗಾಂಧಿ ಅನಿರೀಕ್ಷಿತವಾಗಿ ಬಂದಾಗ, ಈ ಭೇಟಿಯು ಸ್ಥಳೀಯ ಕಾಂಗ್ರೆಸ್ ನಾಯಕರನ್ನು ಆಶ್ಚರ್ಯಗೊಳಿಸಿತು. ಏಕೆಂದರೆ ಹಿರಿಯ ಪೊಲೀಸ್ ಅಧಿಕಾರಿಗಳಿಗೆ ಅವರ ಯೋಜನೆಗಳ ಬಗ್ಗೆ ಪೂರ್ವಜ್ಞಾನ ಇರಲಿಲ್ಲ. ಪ್ರಮುಖ ನಾಯಕರು ಇಂತಹ ವೈಯಕ್ತಿಕ ಭೇಟಿ ನೀಡುವುದು ಎಷ್ಟು ಅಪರೂಪ ಎಂದು ಗ್ರಾಮಸ್ಥರು ತಮ್ಮ ಮೆಚ್ಚುಗೆ ವ್ಯಕ್ತಪಡಿಸಿದರು. ಅಮಿತ್ ಅವರ ಕುಟುಂಬದ ಯೋಗಕ್ಷೇಮ ವಿಚಾರಿಸಿದ ರಾಹುಲ್ ಗಾಂಧಿ ಅಗತ್ಯವಿದ್ದರೆ ಅವರಿಗೆ ಆರ್ಥಿಕವಾಗಿ ಸಹಾಯ ಮಾಡಲು ಮುಂದಾದರು.

ಅಕ್ಟೋಬರ್ 5 ರಂದು ಹರಿಯಾಣದ ವಿಧಾನಸಭೆ ಚುನಾವಣೆಗೆ ಕೆಲವೇ ವಾರಗಳಿದ್ದು ಇದಕ್ಕೂ ಮುನ್ನ ಅಮಿತ್ ಅವರ ಕುಟುಂಬಕ್ಕೆ ರಾಹುಲ್ ಗಾಂಧಿಯವರ ಅನಿರೀಕ್ಷಿತ ಭೇಟಿ ಅವರ ಪ್ರಭಾವದ ಪ್ರಯತ್ನಗಳಿಗೆ ಪೂರಕವಾಗಿದೆ.

https://twitter.com/iamsaadizhaan/status/1836998704726954413?ref_src=twsrc%5Etfw%7Ctwcamp%5Etweetembed%7Ctwterm%5E1836998704726954413%7Ctwgr%5E68a45f3e81162ae1a6cadaaa3b90a14a8b5dacc5%7Ctwcon%5Es1_&ref_url=https%3A%2F%2Fwww.freepressjournal.in%2Findia%2Fharyana-assembly-elections-2024-rahul-gandhi-pays-surprise-visit-to-us-based-karnal-youths-family-video

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read