ಶುಂಠಿಯು ನಮ್ಮ ಪ್ರತಿದಿನದ ಅಡುಗೆಗೆ ಬೇಕಾಗುವ ಅಗತ್ಯ ಮಸಾಲೆಗಳಲ್ಲೊಂದು. ಆಹಾರದ ರುಚಿ ಮತ್ತು ಆರೋಗ್ಯ ಎರಡಕ್ಕೂ ಶುಂಠಿ ಅತ್ಯಗತ್ಯ. ಶುಂಠಿ ಆಯುರ್ವೇದ ಔಷಧಿಗಿಂತ ಕಡಿಮೆಯಿಲ್ಲ. ಅನೇಕ ರೀತಿಯ ಕಾಯಿಲೆಗಳಿಗೆ ಶುಂಠಿಯಲ್ಲಿ ಪರಿಹಾರವಿದೆ.
ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಬಲ್ಲದು. ನೆಗಡಿ, ಕೆಮ್ಮು ಮತ್ತು ಜ್ವರದಿಂದ ಮುಕ್ತಿ ಪಡೆಯಲು ಜನರು ಶುಂಠಿ ಚಹಾವನ್ನು ಕುಡಿಯುತ್ತಾರೆ. ಶುಂಠಿಯಿಂದ ಎಷ್ಟೇ ಪ್ರಯೋಜನಗಳಿದ್ದರೂ ಅದನ್ನು ಅತಿಯಾಗಿ ಸೇವಿಸಿದರೆ ಹಲವು ರೀತಿಯ ಅನಾನುಕೂಲಗಳನ್ನು ಅನುಭವಿಸಬೇಕಾಗುತ್ತದೆ.
ಜಠರಗರುಳಿನ ತೊಂದರೆ – ಶುಂಠಿಯನ್ನು ಅತಿಯಾಗಿ ಎದೆಯುರಿ, ಗ್ಯಾಸ್ ಮತ್ತು ಅತಿಸಾರ ಸೇರಿದಂತೆ ಹೊಟ್ಟೆಯ ಸಮಸ್ಯೆಗಳು ಉಂಟಾಗಬಹುದು. ಶುಂಠಿಯ ಮಸಾಲೆ ಸ್ವಭಾವವು ಜಠರಗರುಳಿನ ಪ್ರದೇಶಕ್ಕೆ ಹಾನಿ ಮಾಡುತ್ತದೆ.
ರಕ್ತ ತೆಳುವಾಗುವುದು – ರಕ್ತ ತೆಳುಗೊಳಿಸುವ ಗುಣಗಳನ್ನು ಹೊಂದಿರುವ ಸಂಯುಕ್ತಗಳು ಶುಂಠಿಯಲ್ಲಿವೆ. ಮಿತಿಮೀರಿದ ಪ್ರಮಾಣದಲ್ಲಿ ಇದನ್ನು ಸೇವಿಸುವುದರಿಂದ ರಕ್ತಸ್ರಾವದ ಅಪಾಯ ಹೆಚ್ಚಾಗುತ್ತದೆ. ಈಗಾಗಲೇ ರಕ್ತ ತೆಳುವಾಗಿಸುವ ಔಷಧಿಯನ್ನು ಸೇವಿಸುತ್ತಿರುವವರು ಶುಂಠಿ ತಿನ್ನುವುದು ಒಳ್ಳೆಯದಲ್ಲ.
ಕಡಿಮೆ ರಕ್ತದೊತ್ತಡ – ಅತಿಯಾಗಿ ಶುಂಠಿ ಸೇವನೆ ಮಾಡುವವರು ಕಡಿಮೆ ರಕ್ತದೊತ್ತಡದಿಂದ ಬಳಲುತ್ತಾರೆ. ಇದು ವ್ಯಕ್ತಿಯನ್ನು ದುರ್ಬಲಗೊಳಿಸುತ್ತದೆ. ಮೂರ್ಛೆ ಅಥವಾ ತಲೆತಿರುಗುವಿಕೆಗೆ ಕೂಡ ಕಾರಣವಾಗಬಹುದು.
ಅಲರ್ಜಿ – ಅನೇಕರು ಶುಂಠಿಗೆ ಸಂವೇದನಾಶೀಲರಾಗಿರುತ್ತಾರೆ. ಅದನ್ನು ಹೆಚ್ಚು ಸೇವಿಸಿದರೆ ಅಲರ್ಜಿ ಉಂಟಾಗಬಹುದು. ಚರ್ಮದ ದದ್ದುಗಳು, ತುರಿಕೆ ಮತ್ತು ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.
ಎದೆಯುರಿ – ಶುಂಠಿಯಲ್ಲಿ ಮಸಾಲೆಯುಕ್ತ ಗುಣಗಳು ಕಂಡುಬರುತ್ತವೆ. ಇದನ್ನು ಅತಿಯಾಗಿ ತಿಂದರೆ ಅಸಿಡಿಟಿ ಆಗಬಹುದು. ಎದೆಯುರಿ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.
Loading ...
