ಬ್ಯಾಕ್​ಫ್ಲಿಪ್ ಮಾಡಿದ ಪಾರಿವಾಳ: ಹೀಗೂ ಉಂಟೇ ಎಂದ ನೆಟ್ಟಿಗರು

ಕೆಲವು ನೃತ್ಯ ಕಲಾವಿದರು ಹಾಗೂ ಸರ್ಕಸ್​ ಕಲಾವಿದರು ಬ್ಯಾಕ್​ಫ್ಲಿಪ್​ ಮಾಡುವುದು ಸಾಮಾನ್ಯ. ಆದರೆ ಪಕ್ಷಿಗಳೂ ಈ ಸರ್ಕಸ್​ ಮಾಡುವುದನ್ನು ನೋಡಿರಲು ಸಾಧ್ಯವೇ ಇಲ್ಲ ಅಲ್ಲವೆ? ಆದರೆ ಪಾರಿವಾಳವೊಂದು ಬ್ಯಾಕ್​ ಫ್ಲಿಫ್​ ಮಾಡುವ ಮೂಲಕ ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದೆ. ಇದರ ವಿಡಿಯೋ ವೈರಲ್​ ಆಗಿದೆ.

ಬ್ಯುಟೆಂಗೆಬೀಡೆನ್ ಎಂಬ ಟ್ವಿಟರ್ ಖಾತೆ ಈ ವಿಡಿಯೋ ಹಂಚಿಕೊಂಡಿದ್ದು, ಇದಾಗಲೇ ಈ ವಿಡಿಯೋವನ್ನು 5 ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಿಸಿದ್ದು, ಕಮೆಂಟ್​ಗಳಿಂದ ತುಂಬಿ ಹೋಗಿದೆ.

ಈ ವೀಡಿಯೊದಲ್ಲಿ, ಹಲವಾರು ಪಾರಿವಾಳಗಳು ಹೊಲದಲ್ಲಿ ಸುತ್ತಾಡುತ್ತಿರುವುದನ್ನು ಕಾಣಬಹುದು. ಅಲ್ಲಿ ಹಾಕಿರುವ ಕಾಳುಗಳನ್ನು ಅವು ತಿನ್ನುತ್ತಿವೆ. ಸ್ವಚ್ಛಂದವಾಗಿ ವಿಹರಿಸುತ್ತಿರುವ ಸಮಯದಲ್ಲಿ ಸುಂದರ ಪಾರಿವಾಳವೊಂದು ಇದ್ದಕ್ಕಿಂತೆಯೇ ಬ್ಯಾಕ್-ಟು-ಬ್ಯಾಕ್ ಫ್ಲಿಪ್‌ಗಳನ್ನು ಮಾಡುತ್ತದೆ. ಮೊದಲು ತನ್ನ ರೆಕ್ಕೆಗಳನ್ನು ಹರಡಿಕೊಂಡು ನಂತರ ಒಮ್ಮೆ ಅಥವಾ ಎರಡು ಬಾರಿ ಅಲ್ಲ, ಮೂರು ಬಾರಿ ಬ್ಯಾಕ್‌ಫ್ಲಿಪ್ ಅನ್ನು ಪ್ರದರ್ಶಿಸುತ್ತದೆ.
ಇದನ್ನು ನೋಡಿದ ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ. ಹೀಗೂ ಉಂಟೆ ಎನ್ನುತ್ತಿದ್ದಾರೆ.

https://twitter.com/buitengebieden/status/1624812752022736900?ref_src=twsrc%5Etfw%7Ctwcamp%5Etweetembed%7Ctwterm%5E1624812752022736900%7Ctwgr%5E1f700fffc7175694f7fdade0f738b34d22479f69%7Ctwcon%5Es1_&ref_url=https%3A%2F%2Fwww.ndtv.com%2Foffbeat%2Fwatch-pigeon-performs-backflips-internet-says-what-a-showoff-3794237