ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್ ಆಡಳಿತ ಬಂದಾಗಿನಿಂದ ಅಲ್ಲಿನ ಪರಿಸ್ಥಿತಿ ಹೇಗಿದೆ ಅನ್ನೋದು ಇಡೀ ಜಗತ್ತಿಗೆ ಗೊತ್ತು. ಇಸ್ಲಾಮಿಕ್ ಧರ್ಮವನ್ನು ಪಾಲಿಸೋ ತಾಲಿಬಾನಿಗಳು ಅಮೆರಿಕದ ಕಪಿಮುಷ್ಠಿಯಿಂದ ಅಪ್ಘಾನಿಸ್ತಾನವನ್ನು ತಮ್ಮ ಪಾರುಪತ್ಯವನ್ನು ಸಾಧಿಸಿ ಬಳಿಕ ಅಲ್ಲಿನ ಮಹಿಳೆಯರು ಶಿಕ್ಷಣ ಹಾಗೂ ಉದ್ಯೋಗ ಮಾಡೋದಕ್ಕೆ ನಿರ್ಬಂಧ ಹೇರಲಾಗಿದೆ. ಅಲ್ಲದೇ ಇನ್ನೂ ಅನೇಕ ಕಠಿಣ ನೀತಿಗಳು ಅಪ್ಘನ್ನಲ್ಲಿ ಜಾರಿಯಲ್ಲಿದೆ. ಆದರೆ ಈ ಎಲ್ಲದರ ನಡುವೆ ಭಾರತೀಯ ಯುಟ್ಯೂಬರ್ ಒಬ್ಬ ತಾಲಿಬಾನಿಗಳು ಸ್ನೇಹ ಜೀವಿಗಳು ಎಂದು ಹೊಗಳಿದ್ದು ಎಲ್ಲರ ಆಶ್ಚರ್ಯಕ್ಕೆ ಕಾರಣವಾಗಿದೆ.
ಕೇರಳದ ವ್ಲಾಗರ್ ಆಗಿರುವ ಮೊಹಮ್ಮದ್ ಯಾಸೀನ್ ತಾಲಿಬಾನ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುವ ಹಾಗೂ ಅವರ ಶಸ್ತ್ರಾಸ್ತ್ರಗಳನ್ನು ತನ್ನ ಯುಟ್ಯೂಬ್ನಲ್ಲಿ ಪ್ರದರ್ಶಿಸಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದೆ. ಆದರೆ ತನ್ನ ವಿಡಿಯೋದಲ್ಲಿ ಶಸ್ತ್ರಾಸ್ತ್ರ ಪ್ರದರ್ಶನ ಮಾಡಿದ ಕಾರಣಕ್ಕೆ ಇವರ ಖಾತೆಯನ್ನು ಪರಿಶೀಲನೆಯಲ್ಲಿ ಇಡಲಾಗಿದೆ. ಈ ವಿಡಿಯೋ ಶೂಟ್ ಮಾಡಲು ಯಾಸೀನ್ ಸ್ವತಃ ತಾಲಿಬಾನ್ ನಿಯಂತ್ರಿತ ಅಪ್ಘಾನಿಸ್ತಾನಕ್ಕೆ ಪ್ರಯಾಣ ಬೆಳೆಸಿದ್ದಾರೆ ಎನ್ನಲಾಗಿದೆ.
ವಿಡಿಯೋದಲ್ಲಿ ಯಾಸೀನ್ ತಾಲಿಬಾನ್ ತಂತ್ರಗಳ ಬಗ್ಗೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. ಯಾಸೀನ್ ತನ್ನ ಯುಟ್ಯೂಬ್ ಚಾನೆಲ್ ಯಾಸೀನ್ ವ್ಲಾಗ್ಸ್ನಲ್ಲಿ ಅನೇಕ ವಿಡಿಯೋಗಳನ್ನ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಉಗ್ರಗಾಮಿ ಇಸ್ಲಾಮಿಸ್ಟ್ ಆಡಳಿತಕ್ಕೆ ಭೇಷ್ ಎಂದಿದ್ದಾನೆ.
ತಾಲಿಬಾನ್ ಪ್ಲೇಸ್‌ಗೆ ಸುಸ್ವಾಗತ. ನಾನು ಇಂದು ತಾಲಿಬಾನ್‌ನೊಂದಿಗೆ ಮಜಾರ್-ಎ-ಷರೀಫ್‌ನಲ್ಲಿ ಇದ್ದೇನೆ. ನಾನು ಇಲ್ಲಿ ಕೆಲವು ಗಮನಾರ್ಹ ಬಂದೂಕುಗಳೊಂದಿಗೆ ಕುಳಿತಿದ್ದೇನೆ. ಇವುಗಳನ್ನು ಅವರು “ಅಡಿಪೋಲಿ ಬಂದೂಕುಗಳು, ಎಂದು ಕರೆಯುತ್ತಾರೆ. ಅಥವಾ ಅಬ್ಬರದ ಬಂದೂಕುಗಳು, ಮತ್ತು ಅವರು ನಿಜವಾಗಿಯೂ ಹೆಸರಿಗೆ ತಕ್ಕಂತೆ ಬದುಕುತ್ತಾರೆ ಎಂದು ಯಾಸೀನ್ ಹೇಳಿದ್ದಾರೆ.
https://twitter.com/i/status/1704114647413223643
Loading ...
