ದೇಶದ ರೈಲ್ವೇ ಮಾರ್ಗದ ಅತ್ಯಂತ ಸುಭದ್ರ ಹಳಿಗಳನ್ನು ಹೊಂದಿರುವ ಮಾರ್ಗಗಳಲ್ಲಿ ಒಂದಾದ ದೆಹಲಿ-ಭೋಪಾಲ್ ಮಾರ್ಗದಲ್ಲಿ ರೈಲುಗಳು ಸಾಮಾನ್ಯವಾಗಿ ತಮ್ಮ ಗರಿಷ್ಠ ವೇಗದಲ್ಲಿ ಸಂಚರಿಸುತ್ತವೆ. ಇದೇ ಮಾರ್ಗದಲ್ಲಿ ಸಂಚರಿಸುವ ಶತಾಬ್ದಿ ಎಕ್ಸ್ಪ್ರೆಸ್ ರೈಲು ದೇಶದಲ್ಲೇ ಅತ್ಯಂತ ವೇಗದ ಶತಾಬ್ದಿ ಎಕ್ಸ್ಪ್ರೆಸ್ ಎಂದು ಹೆಸರಾಗಿದೆ.
ಇದೀಗ ಮೇಲ್ಕಂಡ ಮಾರ್ಗದಲ್ಲಿ ಸಂಚರಿಸುವ ವಂದೇ ಭಾರತ್‌ ಎಕ್ಸ್ಪ್ರೆಸ್ ರೈಲೊಂದು 160ಕಿಮೀ/ಗಂಟೆ ಗರಿಷ್ಠ ವೇಗದಲ್ಲಿ ಸಂಚರಿಸುವ ಮೂಲಕ ಪ್ರಯಾಣಿಕರ ಹುಬ್ಬೇರಿಸಿದೆ. ಆಗ್ರಾ ಕಂಟೋನ್ಮೆಂಟ್ ಹಾಗೂ ನಿಜಾಮುದ್ಧೀನ್‌ ನಿಲ್ದಾಣಗಳ ನಡುವೆ ಈ ವೇಗವನ್ನು ಪಡೆದಿದೆ ವಂದೇ ಭಾರತ್‌ ಎಕ್ಸ್ಪ್ರೆಸ್. ಏಪ್ರಿಲ್ 1, 2023ರಂದು ತನ್ನ ಉದ್ಘಾಟನಾ ಸಂಚಾರ ಆರಂಭಿಸಿದ ದೆಹಲಿ-ಭೋಪಾಲ್ ವಂದೇ ಭಾರತ್‌ ಎಕ್ಸ್ಪ್ರೆಸ್, ಅಂದು 161 ಕಿಮೀ/ಗಂಟೆ ಗರಿಷ್ಠ ವೇಗದಲ್ಲಿ ಸಂಚರಿಸಿತ್ತು.
ಈ ಗರಿಷ್ಠ ವೇಗಾನುಭವದ ವಿಡಿಯೋವೊಂದನ್ನು ಟ್ವಿಟರ್‌ನಲ್ಲಿ ಅಪ್ಲೋಡ್ ಮಾಡಿರುವ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್‌, “ದೇಶವು 140…145…150…160ಕಿಮೀ/ಗಂಟೆ ವೇಗದಲ್ಲಿ ಸಂಚರಿಸುತ್ತಿದೆ,” ಎಂದು ತಿಳಿಸಿದ್ದಾರೆ.
https://twitter.com/AshwiniVaishnaw/status/1642414462190899200?ref_src=twsrc%5Etfw%7Ctwcamp%5Etweetembed%7Ctwterm%5E1642414462190899200%7Ctwgr%5E2439a013e55b1505beac0db8e0d896473a60ae7b%7Ctwcon%5Es1_&ref_url=https%3A%2F%2Fzeenews.india.com%2Frailways%2Fbhopal-new-delhi-vande-bharat-express-breaches-160-kmph-speed-limit-on-launch-run-2590624.html
Loading ...
