ಬೆಂಗಳೂರು: ರೈಲ್ವೆ ಅಚ್ಚು ಮತ್ತು ಗಾಲಿ ಕಾರ್ಖಾನೆಗೆ ಭೇಟಿ ನೀಡಿರುವ ಕೇಂದ್ರ ಸಚಿವ ವಿ.ಸೋಮಣ್ಣ ಕನ್ನಡ ಕಲಿಯದ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡ ಘಟನೆ ನಡೆದಿದೆ.
ಬೆಂಗಳೂರಿನ ಯಲಹಂಕದಲ್ಲಿರುವ ರೈಲ್ವೆ ಅಚ್ಚು ಮತ್ತು ಗಾಲಿ ಕಾರ್ಖಾನೆಗೆ ಕೇಂದ್ರ ರೈಲ್ವೆ ಖಾತೆ ರಾಜ್ಯ ಸಚಿವ ವಿ.ಸೋಮಣ್ಣ ಭೇಟಿ ನೀಡಿದ್ದಾರೆ. ಈ ವೇಳೆ ಕನ್ನಡ ಬಾರದ ಕೆಲ ರೈಲ್ವೆ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರು.
ಕೇಂದ್ರ ಸಚಿವನಾದ ಬಳಿಕ ನಾನು ಕೂಡ ಹಿಂದಿ ಕಲಿಯುತ್ತಿದ್ದೇನೆ. ಆದರೆ ನೀವ್ಯಾಕೆ ಸ್ಥಳೀಯ ಭಾಷೆ ಕನ್ನಡ ಕಲಿತಿಲ್ಲ? ಕನ್ನಡ ಭಾಷೆ ಕಲಿಯಲು ಮನಸ್ಸು ಮಾಡದಿರುವುದು ಯಾಕೆ? ಜನರು ಕೇಳೋದು ಒಂದು ನೀವು ಹೇಳುವುದು ಒಂದು. ಹೀಗಾದರೆ ಹೇಗೆ? ಎಂದು ಅಧಿಕಾರಿಗಳ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
Loading ...
