ಕಾನ್ಸ್ ಚಲನಚಿತ್ರೋತ್ಸವ ಎಂದರೆ ಗ್ಲಾಮರ್ ಲೋಕದ ತಾರೆಯರ ವಿಚಿತ್ರ ಉಡುಗೆ-ತೊಡುಗೆಗಳ ಪ್ರದರ್ಶನ. ಈ ಬಾರಿಯ 78ನೇ ಕಾನ್ಸ್ ಉತ್ಸವದಲ್ಲೂ ಹಲವು ಅಚ್ಚರಿಗಳು ಕಂಡುಬಂದವು. ಭಾರತದ ನಟಿ ಊರ್ವಶಿ ರೌಟೇಲಾ ಅವರು ಕೆಂಪು ಹಾಸಿನ ಮೇಲೆ ಕಾಣಿಸಿಕೊಂಡಿದ್ದು, ಅವರ ಉಡುಗೆ ಮತ್ತು ಕೈಯಲ್ಲಿದ್ದ ವಿಚಿತ್ರ ಕ್ಲಚ್ ಎಲ್ಲರ ಗಮನ ಸೆಳೆಯಿತು.
ಊರ್ವಶಿ ಅವರು ಬಹು ಬಣ್ಣಗಳ ಗೌನ್ ಧರಿಸಿದ್ದು, ತಲೆಗೆ ಕಿರೀಟ ಮತ್ತು ಕೈಯಲ್ಲಿ ಗಿಣಿ ಆಕಾರದ ಕ್ಲಚ್ ಹಿಡಿದಿದ್ದರು. ಈ ಕ್ಲಚ್ನ ಬೆಲೆ ಬರೋಬ್ಬರಿ 4 ಲಕ್ಷ ರೂಪಾಯಿ ಎಂದು ಹೇಳಲಾಗುತ್ತಿದೆ ! ಕ್ರಿಸ್ಟಲ್ಗಳಿಂದ ಅಲಂಕರಿಸಲ್ಪಟ್ಟಿದ್ದ ಈ ಕ್ಲಚ್ ಅನ್ನು ಊರ್ವಶಿ ಕ್ಯಾಮೆರಾಗಳಿಗೆ ಪೋಸ್ ನೀಡುವಾಗ ಮುದ್ದಾಡುತ್ತಿರುವುದು ಕಂಡುಬಂತು.
ಸಾಮಾಜಿಕ ಮಾಧ್ಯಮದಲ್ಲಿ ಊರ್ವಶಿ ಅವರ ಈ ವಿಚಿತ್ರ ಫ್ಯಾಷನ್ ಬಗ್ಗೆ ತರಹೇವಾರಿ ಕಾಮೆಂಟ್ಗಳು ಹರಿದಾಡುತ್ತಿವೆ. ಕೆಲವರು ಅವರನ್ನು ಟ್ರೋಲ್ ಮಾಡುತ್ತಿದ್ದರೆ, ಇನ್ನು ಕೆಲವರು ಅವರ ದಿಟ್ಟತನವನ್ನು ಮೆಚ್ಚಿಕೊಂಡಿದ್ದಾರೆ. “3 ಗಂಟೆಗೆ ಪೋಸ್ಟ್ ಮಾಡಿದ ಮೊದಲ ಭಾರತೀಯ ನಟಿ” ಎಂದು ಒಬ್ಬರು ಕಾಮೆಂಟ್ ಮಾಡಿದರೆ, “ವಿದೇಶದಲ್ಲಿ ಕಾರಿನಿಂದ ಇಳಿದ ಮೊದಲ ಭಾರತೀಯ ಮಹಿಳೆ” ಎಂದು ಇನ್ನೊಬ್ಬರು ವ್ಯಂಗ್ಯವಾಡಿದ್ದಾರೆ. ಮತ್ತೆ ಕೆಲವರಿಗೆ ಐಶ್ವರ್ಯ ರೈ ಅವರ ಹಿಂದಿನ ಕಾನ್ಸ್ ಲುಕ್ಗಳು ನೆನಪಾದವು.
ಒಟ್ಟಿನಲ್ಲಿ, ಊರ್ವಶಿ ರೌಟೇಲಾ ಅವರ ಈ ವಿಚಿತ್ರ ಮತ್ತು ದುಬಾರಿ ಫ್ಯಾಷನ್ ಕಾನ್ಸ್ 2025 ರಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಈ ಉದ್ಘಾಟನಾ ಸಮಾರಂಭದಲ್ಲಿ ರಾಬರ್ಟ್ ಡಿ ನಿರೋ ಅವರಿಗೆ ಗೌರವ ಪ್ರಶಸ್ತಿ ನೀಡಲಾಯಿತು. ಲಿಯೋನಾರ್ಡೊ ಡಿಕಾಪ್ರಿಯೊ ಮತ್ತು ಬೆಲ್ಲಾ ಹಡಿದ್ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.
Loading ...
