‘ಕಾಗದ’ ಚಿತ್ರದಿಂದ ಬಂತು ಅಲ್ಲಾ ಸುಭಾನಲ್ಲ ಹಾಡು

ರಂಜಿತ್ ಆಕ್ಷನ್ ಕಟ್ ಹೇಳಿರುವ ‘ಕಾಗದ’ ಚಿತ್ರದ ”ಅಲ್ಲಾ ಸುಭಾನಲ್ಲ” ಎಂಬ ವಿಡಿಯೋ ಹಾಡನ್ನು ಜಾನಕರ್ ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಹಾಡಿಗೆ ಹರ್ಷ ರಂಜಿನಿ ಧ್ವನಿಯಾಗಿದ್ದು, ಪ್ರದೀಪ್ ವರ್ಮಾ ಸಂಗೀತ ಸಂಯೋಜನೆ ನೀಡಿದ್ದಾರೆ. ಇನ್ನುಳಿದಂತೆ ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯವಿದೆ.

ಈ ಚಿತ್ರದಲ್ಲಿ ಆದಿತ್ಯ  ಕರೆ ಗೌಡ ಹಾಗೂ ಅಂಕಿತ ಜೈರಾಮ್ ಸೇರಿದಂತೆ ನೇಹಾ ಪಾಟೀಲ್, ಬಾಲ ರಾಜವಾಡಿ, ಅಶ್ವಥ್ ನೀನಾಸಂ, ಶಿವಮಂಜು, ಗೌತಮ್ ರಾಜ್, ಸುರೇಶ್ ಬಾಬು, ಆದರ್ಶ್, ತೇಜಶ್ರೀ ಬಣ್ಣ ಹಚ್ಚಿದ್ದಾರೆ. ಅಮ್ಮ ಸಿನಿ ಕ್ರಿಯೇಶನ್ಸ್  ಬ್ಯಾನರ್ ನಡಿ ಅರುಣ್ ಕುಮಾರ್ ಎ ನಿರ್ಮಾಣ ಮಾಡಿದ್ದು, ಪವನ್ ಗೌಡ ಸಂಕಲನ, ಹಾಗೂ ವೇಣುಸ್ ನಾಗರಾಜ ಮೂರ್ತಿ ಛಾಯಾಗ್ರಹಣವಿದೆ. ಶಂಕರ್ ಜಗನ್ನಾಥ್, ವಿಮಲ್ ರಾಜ್ ಹಾಗೂ ಕೃಷ್ಣ ಹಣಗಿ ಸಹ ನಿರ್ದೇಶಕರಾಗಿ   ಕೆಲಸ ಮಾಡಿದ್ದಾರೆ.