ಸಹೋದರ-ಸಹೋದರಿಯರ ಬಾಂಧವ್ಯದಲ್ಲಿ ರಕ್ತ ಸಂಬಂಧಗಳು ಬಹಳ ಮುಖ್ಯ. ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವಿಡಿಯೋವೊಂದರಲ್ಲಿ, ಮಣ್ಣು ತಿಂದಿದ್ದಕ್ಕಾಗಿ ತಂದೆಯ ಬೈಗುಳದಿಂದ ತನ್ನ ಕಿರಿಯ ಸಹೋದರನನ್ನು ಅಕ್ಕ ರಕ್ಷಿಸುತ್ತಿರುವ ದೃಶ್ಯವಿದೆ. ಈ ವಿಡಿಯೋ ನೆಟ್ಟಿಗರ ಗಮನ ಸೆಳೆದಿದೆ.
ವಿಡಿಯೋದಲ್ಲಿ ಏನಿದೆ?
ವಿಡಿಯೋದಲ್ಲಿ, ಮಣ್ಣು ತಿಂದಿದ್ದಕ್ಕೆ ತಂದೆ ಮಗನನ್ನು ನಿರಂತರವಾಗಿ ಬಯ್ಯುತ್ತಾರೆ. “ನೀನು ಯಾವಾಗ ಮಣ್ಣು ತಿಂದರೂ ನಿನ್ನನ್ನು ಹೊಡೆಯುತ್ತೇನೆ” ಎಂದು ತಂದೆ ಹೇಳುತ್ತಾರೆ. ಮಣ್ಣು ತಿನ್ನುವ ಅಭ್ಯಾಸವನ್ನು ಮಗನಿಗೆ ಕಲಿಸಿದ್ದಕ್ಕಾಗಿ ಮಗಳನ್ನೂ ತಂದೆ ಬಯ್ಯುತ್ತಾರೆ ಮತ್ತು “ಹೀಗೆ ಮಣ್ಣು ತಿನ್ನುತ್ತಿದ್ದರೆ ಹೊಟ್ಟೆಯಲ್ಲಿ ಹುಳುಗಳು ತುಂಬಿಕೊಳ್ಳುತ್ತವೆ” ಎಂದು ಎಚ್ಚರಿಸುತ್ತಾರೆ.
ಆದರೆ, ಮಗಳು ತನ್ನ ನಿಲುವಿನಲ್ಲಿ ದೃಢವಾಗಿ ನಿಂತು, “ನಿಮ್ಮದು ಸ್ವಲ್ಪ ಹೆಚ್ಚಾಗುತ್ತಿಲ್ಲವೇ…?” ಎಂದು ತಂದೆಗೆ ಪ್ರಶ್ನಿಸುತ್ತಾಳೆ. “ನೀವು ನನ್ನ ತಮ್ಮನನ್ನು ಹೀಗೆ ಬಯ್ಯಬಾರದು” ಎಂದು ಹೇಳುತ್ತಾಳೆ. ತಂದೆ ತನ್ನ ಕಿರಿಯ ಮಗನನ್ನು ಬೈದಾಗಲೆಲ್ಲಾ, ಅಕ್ಕ ಅವರನ್ನು ಸಮಾಧಾನಪಡಿಸಲು ಪ್ರಯತ್ನಿಸುತ್ತಾಳೆ. ಇದು ಮುಂಬರುವ ರಕ್ಷಾಬಂಧನದ ಹಿನ್ನೆಲೆಯಲ್ಲಿ ತಮ್ಮನೊಂದಿಗಿನ ಆಕೆಯ ಬಾಂಧವ್ಯವನ್ನು ಎತ್ತಿ ತೋರಿಸುತ್ತದೆ. ಮಗನನ್ನು ಸಮರ್ಥಿಸಿದ್ದಕ್ಕಾಗಿ ತಂದೆ ಮಗಳನ್ನೂ ಬೈಯ್ಯುತ್ತಾರೆ. ಆದರೂ ಆಕೆ ತನ್ನ ನಿಲುವನ್ನು ಬದಲಾಯಿಸದೆ ತಮ್ಮನನ್ನು ರಕ್ಷಿಸಲು ಮುಂದಾಗುತ್ತಾಳೆ.
ಈ ವಿಡಿಯೋ Rosy X ಖಾತೆಯಿಂದ ತೆಗೆದುಕೊಳ್ಳಲಾಗಿದೆ. ಇದು 3.4K ಲೈಕ್‌ಗಳು ಮತ್ತು ವೀಕ್ಷಕರಿಂದ ಹಲವು ಕಾಮೆಂಟ್‌ಗಳನ್ನು ಪಡೆದುಕೊಂಡಿದೆ.
ರಕ್ಷಾಬಂಧನ ಯಾವಾಗ ಮತ್ತು ಏಕೆ ಆಚರಿಸಲಾಗುತ್ತದೆ ?
ಈ ವರ್ಷ ರಕ್ಷಾಬಂಧನ ಆಗಸ್ಟ್ 9 ರಂದು ಬಂದಿದೆ. ಈ ಹಬ್ಬವನ್ನು ಸಹೋದರ-ಸಹೋದರಿಯರ ನಡುವೆ ಉತ್ಸಾಹದಿಂದ ಆಚರಿಸಲಾಗುತ್ತದೆ. ಸಹೋದರಿಯರು ತಮ್ಮ ಸಹೋದರರಿಗೆ ರಾಖಿ ಕಟ್ಟುತ್ತಾರೆ ಮತ್ತು ಸಿಹಿತಿಂಡಿಗಳನ್ನು ತಿನ್ನಿಸುತ್ತಾರೆ. ಪ್ರತಿಯಾಗಿ, ಸಹೋದರರು ತಮ್ಮ ಸಹೋದರಿಯರಿಗೆ ಅಮೂಲ್ಯವಾದ ಉಡುಗೊರೆಗಳನ್ನು ನೀಡುತ್ತಾರೆ.
Loading ...
