ಮಧ್ಯಪ್ರದೇಶದ ರತ್ಲಂನಲ್ಲಿ ಖಾಸಗಿ ಆಸ್ಪತ್ರೆಯೊಂದು ಕೋಮಾ ನಾಟಕವಾಡಿ ರೋಗಿಯೊಬ್ಬನ ಸಂಬಂಧಿಕರಿಂದ ಲಕ್ಷ ರೂಪಾಯಿ ವಸೂಲಿ ಮಾಡಲು ಯತ್ನಿಸಿದ ಘಟನೆ ಬೆಳಕಿಗೆ ಬಂದಿದೆ. ರೋಗಿಯನ್ನು ಐಸಿಯು ಕೋಣೆಯಲ್ಲಿ ಒತ್ತೆಯಾಳಾಗಿ ಇರಿಸಿಕೊಂಡಿದ್ದ ಆಸ್ಪತ್ರೆ ಸಿಬ್ಬಂದಿ, ಆತನ ಪತ್ನಿಯಿಂದ ಲಕ್ಷ ರೂಪಾಯಿ ಶುಲ್ಕಕ್ಕೆ ಬೇಡಿಕೆಯಿಟ್ಟಿದ್ದಾರೆ.
ಜಗಳದಲ್ಲಿ ಗಾಯಗೊಂಡ ರೋಗಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಆಸ್ಪತ್ರೆ ಸಿಬ್ಬಂದಿ ರೋಗಿ ಕೋಮಾಕ್ಕೆ ಜಾರಿದ್ದಾರೆ ಎಂದು ಆತನ ಪತ್ನಿಗೆ ತಿಳಿಸಿ, ಚಿಕಿತ್ಸೆಯ ನೆಪದಲ್ಲಿ ಲಕ್ಷ ರೂಪಾಯಿ ವಸೂಲಿ ಮಾಡಲು ಯತ್ನಿಸಿದ್ದಾರೆ. ರೋಗಿಯ ಪತ್ನಿ ಹಣ ಹೊಂದಿಸಲು ಪರದಾಡುತ್ತಿದ್ದಾಗ, ರೋಗಿ ಐಸಿಯು ಕೋಣೆಯಿಂದ ಹೊರಬಂದು ನಡೆದ ಘಟನೆಯನ್ನು ವಿವರಿಸಿದ್ದಾರೆ.
ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಆಸ್ಪತ್ರೆಯ ಸಿಬ್ಬಂದಿ ವಂಚನೆ ಬಯಲಾಗಿದೆ. ರೋಗಿ ಸಾಮಾನ್ಯ ಆರೋಗ್ಯವಂತ ವ್ಯಕ್ತಿಯಂತೆ ನಡೆಯುತ್ತಿರುವುದು, ಐವಿ ಡ್ರಿಪ್‌ಗಳಲ್ಲಿ ಬಳಸುವ ವೈದ್ಯಕೀಯ ಟೇಪ್‌ಗಳು ಅವರ ಕೈ ಮತ್ತು ಎದೆಯ ಮೇಲೆ ಅಂಟಿಕೊಂಡಿರುವುದು, ಕೈಯಲ್ಲಿ ಮೂತ್ರದ ಬಾಟಲಿಯನ್ನು ಹಿಡಿದಿರುವುದು ವಿಡಿಯೋದಲ್ಲಿ ಕಂಡುಬಂದಿದೆ.
ರೋಗಿ ಕಿರುಚಲು ಪ್ರಾರಂಭಿಸಿದಾಗ ಆತನ ಪತ್ನಿ ಪರಿಶೀಲಿಸಲು ಹೋಗಿದ್ದು, ಐಸಿಯು ಬಾಗಿಲಿನ ಸಣ್ಣ ಗಾಜಿನ ಕಿಟಕಿಯ ಮೂಲಕ ಇಣುಕಿದಾಗ ಐದು ಜನರು ಅವನನ್ನು ತಡೆಯುತ್ತಿರುವುದು ಕಂಡುಬಂದಿದೆ. ರೋಗಿ ಕತ್ತರಿ ಹಿಡಿದು ಬೆದರಿಕೆ ಹಾಕಿದಾಗ ಸಿಬ್ಬಂದಿ ಅವನನ್ನು ಬಿಟ್ಟಿದ್ದಾರೆ.
ಈ ಘಟನೆಯು ಖಾಸಗಿ ಆಸ್ಪತ್ರೆಗಳ ಕಾರ್ಯನಿರ್ವಹಣೆಯ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದ್ದು, ಕಠಿಣ ಕಾನೂನುಗಳು ಮತ್ತು ಆರ್ಥಿಕ ನಿರ್ಬಂಧಗಳ ಅಗತ್ಯವನ್ನು ಒತ್ತಿಹೇಳುತ್ತದೆ.
#WATCH | ‘Coma’ Patient Escapes From ICU In Ratlam; Family Claims Hospital Made Them Pay Rs 1 Lakh In Medical Expenses #MPNews #MadhyaPradesh #IndiaNews pic.twitter.com/79C4rrk9gx
— Free Press Madhya Pradesh (@FreePressMP) March 6, 2025
डॉक्टर्स ने मरीज को हॉस्पिटल में भर्ती किया और फ़ैमिली वालो को बोला के तुम्हारा भाई कोमा में चला गया है ।
और हॉस्पिटल वाले पैसे की डिमांड करने लगे ।
फिर अचानक से पेशेंट गुलूकोस की बॉटल की नाली तोड़ के बाहर आ गया ।
घटना मध्य प्रदेश गीता देवी हॉस्पिटल रतलाम की है । pic.twitter.com/Vr4ft0J808— H̤🅰️ⱤVÉÈ (@Entidoto) March 5, 2025
Loading ...
