ಕರ್ನಾಟಕದ ವೀಣೆ, ಉತ್ತರಪ್ರದೇಶದ ಕೊಳಲು ವಾದನ… ಅಯೋಧ್ಯೆಯಲ್ಲಿ ಮೊಳಗಲಿದೆ ‘ಮಂಗಳ ಧ್ವನಿ’ ಅದ್ಭುತ ಸಂಗೀತ ಕಾರ್ಯಕ್ರಮ

ಅಯೋಧ್ಯೆ: ಸೋಮವಾರ ‘ಮಂಗಳ ಧ್ವನಿ’ ಹೆಸರಿನ ಅದ್ಭುತ ಸಂಗೀತ ಕಾರ್ಯಕ್ರಮದ ಮೂಲಕ ‘ಪ್ರಾಣ ಪ್ರತಿಷ್ಠಾ’ ಸಮಾರಂಭವನ್ನು ಹೈಲೈಟ್ ಮಾಡುವುದಾಗಿ ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ತಿಳಿಸಿದೆ.

ಜಾಗತಿಕ ಸಂಗೀತ ರಂಗದಲ್ಲಿ ಹೆಸರಾಂತರು ಸಂಗೀತ ಪ್ರದರ್ಶಿಸುವ ಸಂಭ್ರಮವನ್ನು ಜನವರಿ 22 ರಂದು ಬೆಳಿಗ್ಗೆ 10 ಗಂಟೆಗೆ ನಿಗದಿಪಡಿಸಲಾಗಿದೆ.

‘’ಭಕ್ತಿಯಲ್ಲಿ ತಲ್ಲೀನರಾಗಿ, ಅಯೋಧ್ಯೆಯ ಶ್ರೀರಾಮ ಜನ್ಮಭೂಮಿಯಲ್ಲಿ ಪ್ರಾಣ ಪ್ರತಿಷ್ಠಾ ಸಮಾರಂಭವು ಬೆಳಿಗ್ಗೆ 10 ಗಂಟೆಗೆ ಭವ್ಯವಾದ ‘ಮಂಗಲ ಧ್ವನಿ’ಯಿಂದ ಅಲಂಕರಿಸಲ್ಪಡುತ್ತದೆ. ವಿವಿಧ ರಾಜ್ಯಗಳಿಂದ ಸುಮಾರು 50 ಕ್ಕೂ ಹೆಚ್ಚು ಸೊಗಸಾದ ವಾದ್ಯಗಳು ಈ ಮಂಗಳಕರ ಸಂದರ್ಭಕ್ಕೆ ಒಟ್ಟಿಗೆ ಬರುತ್ತವೆ. ಸುಮಾರು ಎರಡು ಗಂಟೆಗಳ ಕಾಲ ಪ್ರತಿಧ್ವನಿಸುತ್ತವೆ. ಅಯೋಧ್ಯೆಯವರೇ ಆದ ಯತೀಂದ್ರ ಮಿಶ್ರಾ ಅವರಿಂದ ಆಯೋಜಿಸಲ್ಪಟ್ಟ ಈ ಭವ್ಯ ಸಂಗೀತ ನಿರೂಪಣೆಯನ್ನು ನವದೆಹಲಿಯ ಸಂಗೀತ ನಾಟಕ ಅಕಾಡೆಮಿ ನಿರ್ವಹಿಸುತ್ತದೆ.’’

ಈ ಭವ್ಯವಾದ ಸಂಗೀತ ಕಾರ್ಯಕ್ರಮವು ಪ್ರತಿಯೊಬ್ಬ ಭಾರತೀಯನಿಗೂ ಒಂದು ಮಹತ್ವದ ಸಂದರ್ಭ ಪ್ರತಿನಿಧಿಸುತ್ತದೆ, ಪ್ರಭು ಶ್ರೀರಾಮನ ಆಚರಣೆ ಮತ್ತು ಗೌರವಾರ್ಥವಾಗಿ ವೈವಿಧ್ಯಮಯ ಸಂಪ್ರದಾಯಗಳನ್ನು ಒಟ್ಟುಗೂಡಿಸುತ್ತದೆ ಎಂದು ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ತಿಳಿಸಿದದೆ.

ಈವೆಂಟ್‌ನ ಪ್ರಮುಖ ಅಂಶವೆಂದರೆ ಸಾಂಪ್ರದಾಯಿಕ ಸಂಗೀತ ವಾದ್ಯಗಳನ್ನು ನುಡಿಸುವುದು:

ಉತ್ತರ ಪ್ರದೇಶದ ಪಖಾವಾಜ್, ಕೊಳಲು ಮತ್ತು ಧೋಲಕ್

ಕರ್ನಾಟಕದ ವೀಣಾ

ಮಹಾರಾಷ್ಟ್ರದ ಸುಂದರಿ

ಒಡಿಶಾದ ಮರ್ದಲಾ

ಮಧ್ಯಪ್ರದೇಶದ ಸಂತೂರ್

ಮಣಿಪುರದಿಂದ ಪಂಗ್

ಅಸ್ಸಾಂನ ನಗಾಡಾ ಮತ್ತು ಕಾಳಿ

ಛತ್ತೀಸ್‌ಗಢದಿಂದ ತಂಬೂರ

ದೆಹಲಿಯಿಂದ ಕ್ಲಾರಿನೆಟ್

ರಾಜಸ್ಥಾನದಿಂದ ರಾವಣಹತ

ಪಶ್ಚಿಮ ಬಂಗಾಳದಿಂದ ಶ್ರೀಖೋಲ್ ಮತ್ತು ಸರೋದ್

ಆಂಧ್ರಪ್ರದೇಶದ ಘಟಂ

ಜಾರ್ಖಂಡ್‌ನ ಸಿತಾರ್

ಗುಜರಾತ್ ಮೂಲದ ಸಂತರ್

ಗುಜರಾತ್‌ನಿಂದ ಪಖಾವಾಜ್

ಉತ್ತರಾಖಂಡದ ಹುಡ್ಕಾ

ತಮಿಳುನಾಡಿನಿಂದ ನಾಗಸ್ವರಂ, ತವಿಲ್ ಮತ್ತು ಮೃದಂಗಂ

ಟ್ರಸ್ಟ್ ಪ್ರಕಾರ, ಸಾಂಪ್ರದಾಯಿಕ ಭಾರತೀಯ ಸಂಗೀತ ವಾದ್ಯಗಳ ಪ್ರಶಾಂತ ರಾಗಗಳು ಎರಡು ಗಂಟೆಗಳ ಕಾಲ ದೇವಾಲಯದ ನಗರದಲ್ಲಿ ಮಾರ್ದನಿಸಲಿದೆ.

https://twitter.com/ShriRamTeerth/status/1748891529945780647