ನಾಳೆ ತೆರೆ ಮೇಲೆ ಬರಲಿದೆ ರಾಮ್ ಚರಣ್ ನಟನೆಯ ‘ಗೇಮ್ ಚೇಂಜರ್’

ರಾಮ್ ಚರಣ್ ಅಭಿನಯದ ಬಹುನಿರೀಕ್ಷಿತ ‘ಗೇಮ್ ಚೇಂಜರ್’ ಚಿತ್ರ  ನಾಳೆ ತೆರೆ ಮೇಲೆ ಬರಲಿದ್ದು ಅವರ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ರಾಮ್ ಚರಣ್ ಅವರ ಕಟೌಟ್ಗಳನ್ನು ನಿರ್ಮಿಸಲಾಗಿದ್ದು, ಹಾಲಿನ ಅಭಿಷೇಕ ಮಾಡುವ ಮೂಲಕ ಸಂಭ್ರಮಿಸಲು ಸಜ್ಜಾಗಿದ್ದಾರೆ.

ಈ ಚಿತ್ರದಲ್ಲಿ ರಾಮಚರಣ್ ಮೂರು ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದು, ಅವರಿಗೆ ಜೋಡಿಯಾಗಿ ಕಿಯಾರಾ ಅಡ್ವಾಣಿ ಅಭಿನಯಿಸಿದ್ದಾರೆ. ಇನ್ನುಳಿದಂತೆ ಸಮುದ್ರಕನಿ, ಎಸ್‌ಜೆ ಸೂರ್ಯ, ಶ್ರೀಕಾಂತ್, ಜಯರಾಮ್, ಶುಭಲೇಖಾ ಸುಧಾಕರ್, ನವೀನ್ ಚಂದ್ರ, ವೆನ್ನೆಲ ಕಿಶೋರ್, ನರೇಶ್, ಬ್ರಹ್ಮಾನಂದಂ, ರಾಜೀವ್ ಕಣಕಾಲ, ರಘು ಬಾಬು, ರವಿ ಪ್ರಕಾಶ್, ಪ್ರಿಯದರ್ಶಿ ಪುಲಿಕೊಂಡ, ಚೈತನ್ಯ ಕೃಷ್ಣ, ಶ್ರೀನಿವಾಸ ರೆಡ್ಡಿ, ಸುದರ್ಶನ್, ಪೃಥ್ವಿ ರಾಜ್, ಉಳಿದ ಪಾತ್ರ ವರ್ಗದಲ್ಲಿದ್ದಾರೆ. ಶಮೀರ್ ಮಹಮ್ಮದ್ ಸಂಕಲನ, ಸಾಯಿ ಮಾಧವ್ ಬುರ್ರಾ ಸಂಭಾಷಣೆ, ಅಂಬರೀವ್ ಸಾಹಸ ನಿರ್ದೇಶನ, ಹಾಗೂ ಗಣೇಶ್  ನೃತ್ಯ ನಿರ್ದೇಶನವಿದೆ. ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಬ್ಯಾನರ್ ನಲ್ಲಿ ದಿಲ್ ರಾಜು ನಿರ್ಮಾಣ ಮಾಡಿದ್ದಾರೆ.