ರಾಯಚೂರು: ಯಾದಗಿರಿ ಪಿಎಸ್ಐ ಪರಶುರಾಮ್ ಅವರ ಅನುಮಾನಾಸ್ಪದ ಸಾವಿನಿಂದ ಆಘಾತಕ್ಕೆ ಒಳಗಾಗಿದ್ದ ಕುಟುಂಬದಲ್ಲಿ ಈಗ ಕೊಂಚ ಸಮಾಧಾನ ತಂದಿದೆ. ಪರಶುರಾಮ್ ಅವರ ಪತ್ನಿ ಶ್ವೇತಾ ಅವರಿಗೆ ಸೋಮವಾರ ಯಾದಗಿರಿ ಆಸ್ಪತ್ರೆಯಲ್ಲಿ ಹೆರಿಗೆಯಾಗಿದ್ದು, ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.
ಅಗಸ್ಟ್ 2ರಂದು ಪರಶುರಾಮ್ ಮೃತಪಟ್ಟಿದ್ದರು. ಸೆಪ್ಟೆಂಬರ್ 2ರಂದು ಶ್ವೇತಾ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಪರಶುರಾಮ್ ಮೃತಪಟ್ಟ ದಿನಾಂಕದಂದೇ ಮಗು ಜನಿಸಿರುವುದರಿಂದ ಪರಶುರಾಮ್ ಮತ್ತೆ ಹುಟ್ಟಿ ಬಂದಿದ್ದಾನೆ ಎಂದು ಕುಟುಂಬ ಸದಸ್ಯರು ಸಂತೋಷ ವ್ಯಕ್ತಪಡಿಸಿದ್ದಾರೆ.
ತಾಯಿ, ಮಗು ಆರೋಗ್ಯವಾಗಿದ್ದಾರೆ. ಪರಶುರಾಮ್ ಮೃತಪಟ್ಟ ಸರಿಯಾಗಿ ತಿಂಗಳ ನಂತರ ಅದೇ ದಿನಾಂಕದಂದು ಗಂಡು ಮಗು ಜನಿಸಿದೆ ಎಂದು ಕುಟುಂಬದವರು ಸಂತಸ ವ್ಯಕ್ತಪಡಿಸಿದ್ದಾರೆ.
ಯಾದಗಿರಿ ಶಾಸಕ ಮತ್ತು ಅವರ ಪುತ್ರ ಲಂಚಕ್ಕೆ ಬೇಡಿಕೆ ಇಟ್ಟಿರುವುದೇ ಪರಶುರಾಮ್ ಸಾವಿಗೆ ಕಾರಣ ಎಂದು ತುಂಬ ಗರ್ಭಿಣಿಯಾಗಿದ್ದ ಶ್ವೇತಾ ಆರೋಪಿಸಿ ಹೋರಾಟ ನಡೆಸಿದ್ದರು.
Loading ...
