ಸಂಚಾರ ನಿಯಮ ಪಾಲಿಸದ ಕಾರ್ ಮಾಲೀಕನಿಗೆ ಶಾಕ್: ಮಾರುದ್ದದ ರಶೀದಿ ನೀಡಿ 11 ಸಾವಿರ ರೂ. ದಂಡ ವಸೂಲಿ

ಶಿವಮೊಗ್ಗ: ಸಂಚಾರ ನಿಯಮ ಪಾಲಿಸದೆ ಪದೇ ಪದೇ ನಿಯಮಗಳನ್ನು ಉಲ್ಲಂಘಿಸುತ್ತಿದ್ದ ಕಾರ್ ಮಾಲೀಕನಿಗೆ ಪೊಲೀಸರು ಶಾಕ್ ನೀಡಿದ್ದಾರೆ.

ನಿರಂತರವಾಗಿ ಸಂಚಾರ ನಿಯಮ ಉಲ್ಲಂಘನೆ ಮಾಡಿರುವುದು ತಪಾಸಣೆಯ ವೇಳೆಯಲ್ಲಿ ಪತ್ತೆಯಾದ ಹಿನ್ನೆಲೆಯಲ್ಲಿ ಕಾರ್ ಮಾಲಿಕನಿಗೆ ಮಾರುದ್ದದ ರಶೀದಿ ನೀಡಿ 11 ಸಾವಿರ ರೂಪಾಯಿ ದಂಡ ವಸೂಲಿ ಮಾಡಲಾಗಿದೆ. ಶಿವಮೊಗ್ಗದ ಶಿವಪ್ಪನಾಯಕ ಸರ್ಕಲ್ ಬಳಿ ಪಶ್ಚಿಮ ಸಂಚಾರ ಪೊಲೀಸ್ ಠಾಣೆ ಪಿಎಸ್ಐ ತಿರುಮಲೇಶ್ ನೇತೃತ್ವದಲ್ಲಿ ವಾಹನಗಳ ತಪಾಸಣೆ ನಡೆಸುವಾಗ ಕಾರ್ ನ ಮೇಲೆ ಸಾಲು ಸಾಲು ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳು ಇರುವುದು ಗಮನಕ್ಕೆ ಬಂದಿದೆ. ಈ ಹಿನ್ನೆಲೆಯಲ್ಲಿ ಕಾರ್ ಮಾಲೀಕನಿಗೆ ದಂಡದ ರಶೀದಿ ನೀಡಿ 11 ಸಾವಿರ ರೂ. ದಂಡ ವಸೂಲಿ ಮಾಡಲಾಗಿದೆ.