ಅಂತರ್ಜಾತಿ ಮದುವೆಯಾದ ಯುವತಿ: ಬಹಿಷ್ಕಾರಕ್ಕೆ ಹೆದರಿ ಶುದ್ಧೀಕರಣಕ್ಕೆ ತಲೆ ಬೋಳಿಸಿಕೊಂಡ ಕುಟುಂಬದವರು

ಭುವನೇಶ್ವರ: ಯುವತಿ ಅನ್ಯ ಜಾತಿಯ ಯುವಕನನ್ನು ಮದುವೆಯಾಗಿದ್ದರಿಂದ ಆಕೆ ಮನೆಯ 40ಕ್ಕೂ ಅಧಿಕ ಮಂದಿ ತಲೆ ಬೋಳಿಸಿಕೊಂಡ ಘಟನೆ ಒಡಿಶಾದಲ್ಲಿ ನಡೆದಿದೆ.

ರಾಯಗಢ ಜಿಲ್ಲೆಯ ಬೈಗನಗುಡ ಗ್ರಾಮದ ಪರಿಶಿಷ್ಟ ವರ್ಗದ ಯುವತಿ ಪರಿಶಿಷ್ಟ ಜಾತಿಗೆ ಸೇರಿದ ಪಕ್ಕದ ಊರಿನ ಯುವಕನನ್ನು ಮದುವೆಯಾಗಿದ್ದಾಳೆ. ಇದರಿಂದ ಆಕೆಯ ಜಾತಿ ಹಾಳಾಗಿದ್ದು, ಮತ್ತೆ ನೀವು ಜಾತಿ ಸೇರಬೇಕಾದರೆ ತಲೆ ಬೋಳಿಸಿಕೊಂಡು ಪೂಜೆ ಮಾಡಬೇಕು ಎಂದು ಗ್ರಾಮಸ್ಥರ ಸಭೆಯ ತೀರ್ಮಾನಕ್ಕೆ ಮಣಿದ ಕುಟುಂಬದ 40ಕ್ಕೂ ಅಧಿಕ ಮಂದಿ ತಲೆ ಬೋಳಿಸಿಕೊಂಡಿದ್ದಾರೆ.

ಈ ಮದುವೆ ಎರಡೂ ಗ್ರಾಮಗಳ ನಡುವೆ ದ್ವೇಷಕ್ಕೆ ಕಾರಣವಾಗಿದೆ. ಇದಕ್ಕಾಗಿ ಕುಟುಂಬದ ಶುದ್ಧೀಕರಣ ಭಾಗವಾಗಿ ತಲೆ ಬೋಳಿಸುವ ಕಾರ್ಯ ನಡೆಸಲಾಗಿದೆ. ಶುದ್ಧೀಕರಣಕ್ಕೆ ಒಪ್ಪದಿದ್ದರೆ ಇಡೀ ಕುಟುಂಬಕ್ಕೆ ಸಾಮಾಜಿಕ ಬಹಿಷ್ಕಾರ ಹಾಕುವುದಾಗಿ ಗ್ರಾಮಸ್ಥರು ಎಚ್ಚರಿಕೆ ನೀಡಿದ್ದರು. ಹೀಗಾಗಿ ತಲೆ ಬೋಳಿಸಿಕೊಂಡಿದ್ದಾರೆ ಎನ್ನಲಾಗಿದೆ.