ಲಿಫ್ಟ್ ನಲ್ಲಿ ಮಹಿಳೆ ಮುಂದೆ ಅಶ್ಲೀಲ ವರ್ತನೆ ತೋರಿದ ಆರೋಪಿ ಅರೆಸ್ಟ್

ಲಿಫ್ಟ್ ನಲ್ಲಿ ಮಹಿಳೆಯ ಮುಂದೆ ಅನುಚಿತವಾಗಿ ವರ್ತಿಸಿ, ಅಶ್ಲೀಲ ಸನ್ನೆ ಮಾಡಿದ ವ್ಯಕ್ತಿಯನ್ನ ಸಿಸಿ ಕ್ಯಾಮೆರಾ ದೃಶ್ಯದ ಆಧಾರದ ಮೇಲೆ ಮುಂಬೈ ನಲ್ಲಿ ಬಂಧಿಸಲಾಗಿದೆ. ಕಾರ್ಯಕರ್ತರೊಬ್ಬರು ಸಾಮಾಜಿಕ ಮಾಧ್ಯಮದಲ್ಲಿ ಮುಂಬೈ ನಗರ ಪೊಲೀಸ್ ಟ್ವಿಟರ್ ಖಾತೆಗೆ ಟ್ಯಾಗ್ ಮಾಡಿ ಪೋಸ್ಟ್ ಮಾಡಿದ ಸಿಸಿ ಕ್ಯಾಮೆರಾ ದೃಶ್ಯಾವಳಿಯ ಆಧಾರದ ಮೇಲೆ ವ್ಯಕ್ತಿಯನ್ನು ಬಂಧಿಸಲಾಗಿದೆ.

ಕಾರ್ಯಕರ್ತ ಹಂಚಿಕೊಂಡ ಮಾಹಿತಿಯ ಪ್ರಕಾರ, ಮಾರ್ಬಲ್ ಆರ್ಚ್ ಹೆಸರಿನ ತಲೋಜಾ ಹೌಸಿಂಗ್ ಸೊಸೈಟಿಯಲ್ಲಿ ಈ ಘಟನೆ ನಡೆದಿದೆ. “ಯುವಕನೊಬ್ಬ ಎಲಿವೇಟರ್‌ನಲ್ಲಿ ಮಹಿಳೆಗೆ ಅನುಚಿತವಾದ ಅಶ್ಲೀಲ ಸನ್ನೆಗಳನ್ನು ಮಾಡುತ್ತಿರುವುದು ಕಂಡು ಬಂದಿದೆ. ಘಟನೆಯು ಮಾರ್ಬಲ್ ಆರ್ಚ್ CO-OP CHS LTD, ಪ್ಲಾಟ್ ಸಂಖ್ಯೆ 104, ಸೆಕ್ಟರ್ 14, ತಲೋಜಾ ಹಂತ 1, ನವಿ ಮುಂಬೈನಲ್ಲಿ ನಡೆದಿದೆ” ಎಂದು ಕಾರ್ಯಕರ್ತ ಬಿನು ವರ್ಗೀಸ್ ಟ್ವೀಟ್ ಮಾಡಿದ್ದಾರೆ.

ಎಲಿವೇಟರ್‌ನಿಂದ ಇಳಿಯುವ ಮೊದಲು ಪುರುಷನು ಮಹಿಳೆಯನ್ನು ದಿಟ್ಟಿಸುತ್ತಾ ಅಶ್ಲೀಲ ಸನ್ನೆಗಳನ್ನು ಮಾಡುವುದನ್ನು ದೃಶ್ಯಗಳು ತೋರಿಸುತ್ತವೆ.

ಇದನ್ನು ಗಮನಿಸಿದ ನವಿ ಮುಂಬೈ ಪೊಲೀಸರು ಮಹಿಳೆಯನ್ನು ಠಾಣೆಗೆ ಕರೆಸಿ ಆಕೆಯ ಉತ್ತರವನ್ನು ದಾಖಲಿಸಿಕೊಂಡು ಆತನ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.