ವಿಮಾನ ಚಾಲನೆಗೆ ಹೊರಟಿದ್ದ ಇಂಡಿಗೋ ಪೈಲಟ್ ಬೋರ್ಡಿಂಗ್ ಗೇಟ್ ನಲ್ಲೇ ಹೃದಯಸ್ತಂಭನದಿಂದ ಸಾವು

ನಾಗ್ಪುರ: ಗುರುವಾರ ನಾಗ್ಪುರ ವಿಮಾನ ನಿಲ್ದಾಣದ ಬೋರ್ಡಿಂಗ್ ಗೇಟ್ ಬಳಿ ಇಂಡಿಗೋ ಪೈಲಟ್ ಕುಸಿದು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಏರ್‌ಲೈನ್ಸ್‌ನ ನಾಗ್ಪುರ-ಪುಣೆ ವಿಮಾನವನ್ನು ನಿರ್ವಹಿಸಲು ಹೊರಟಿದ್ದ 40 ವರ್ಷದ ಪೈಲಟ್ ಭದ್ರತಾ ಹೋಲ್ಡ್ ಪ್ರದೇಶದಲ್ಲಿ ಕುಳಿತಿದ್ದಾಗ ಮಧ್ಯಾಹ್ನ 12 ಗಂಟೆಯ ಸುಮಾರಿಗೆ ಕುಸಿದುಬಿದ್ದರು. ಅವರು ಹಠಾತ್ ಹೃದಯ ಸ್ತಂಭನದಿಂದ ನಿಧನರಾದರು ಎಂದು ಕಿಮ್ಸ್-ಕಿಂಗ್ಸ್‌ ವೇ ಆಸ್ಪತ್ರೆ ತಿಳಿಸಿದೆ.

ಆಸ್ಪತ್ರೆಯ ವಕ್ತಾರ ಏಜಾಜ್ ಶಮಿ, ಆಸ್ಪತ್ರೆಯ ತುರ್ತು ತಂಡವು ಅವರಿಗೆ ಸಿಪಿಆರ್ ನೀಡಿತು. ಆದರೆ ಅವರು ಪ್ರತಿಕ್ರಿಯಿಸಲಿಲ್ಲ. ಪೈಲಟ್ ಮೃತಪಟ್ಟಿದ್ದಾರೆ ಎಂದು ಘೋಷಿಸಲಾಯಿತು.