ಶಿವಮೊಗ್ಗ: ಹಿಂದೂ ಯುವಕನೊಂದಿಗೆ ಓಡಾಡುತ್ತಿರುವುದಕ್ಕೆ ಆಕ್ಷೇಪಿಸಿ ಮುಸ್ಲಿಂ ಸಮುದಾಯದ ಯುವತಿ ಮೇಲೆ ಅದೇ ಸಮುದಾಯದ ಹಲವರು ಹಲ್ಲೆ ಮಾಡಿದ್ದು, 13 ಮಂದಿ ವಿರುದ್ಧ ಹೊಳೆಹೊನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಅರಬಿಳಚಿ ಗ್ರಾಮದ ಯುವತಿ ಅದೇ ಊರಿನ ಯುವಕನೊಂದಿಗೆ ಓಡಾಡುತ್ತಿದ್ದರು. ಇದನ್ನು ಗಮನಿಸಿದ ಆರೋಪಿಗಳಾದ ಮಕ್ಪುರ್ ಪಾಶಾ, ತೌಹಿದ್, ರಫೀಕ್ ತಸೀನಾ, ತಾಂಜೀಯಾ, ಕಲೀಂ, ಸುನ್ನು, ನಸ್ರುಲ್ಲಾ, ಅಬ್ದುಲ್, ಜಿಶಾನ್, ರಿಜ್ವಾನ್, ಅಬ್ದುಲ್ಲಾ, ಅಬ್ಬಾಸ್ ಅಲಿ ಇತರರು ಯುವತಿಯನ್ನು ಪ್ರಶ್ನಿಸಿ ಹಲ್ಲೆಲ್ಲೇ ಮಾಡಿದ್ದಾರೆ. ಈ ಕುರಿತಾಗಿ ಯುವತಿ ಪೊಲೀಸರಿಗೆ ದೂರು ನೀಡಿದ್ದರು.
ಹಿಂದೂ ಧರ್ಮದ ಯುವಕನೊಂದಿಗೆ ಏಕೆ ಓಡಾಡುತ್ತಿಯಾ ಎಂದು ಆರೋಪಿಗಳು ಪ್ರಶ್ನಿಸಿ ಹಲ್ಲೆ ಮಾಡಿದ್ದಾರೆ. ಮಸೀದಿ ಸಮಿತಿಯವರು ಕರೆಯುತ್ತಿರುವುದಾಗಿ ಹೇಳಿದ್ದು, ತಾಯಿಯೊಂದಿಗೆ ಸ್ಥಳಕ್ಕೆ ಹೋದಾಗ ಥಳಿಸಿದ್ದಾರೆ ಎಂದು ಯುವತಿ ಪೊಲೀಸರಿಗೆ ದೂರು ನೀಡಿದ್ದಾರೆ.
Loading ...
