ಥಾಣೆಯಲ್ಲಿ ನಾಚಿಕೆಗೇಡಿ ಕೃತ್ಯ: ನಾಯಿ ಜೊತೆ ಲೈಂಗಿಕ ಸಂಬಂಧ ; ವ್ಯಕ್ತಿ ಅರೆಸ್ಟ್

ಥಾಣೆ: ಪ್ರಾಣಿ ದೌರ್ಜನ್ಯದ ಆಘಾತಕಾರಿ ಪ್ರಕರಣವೊಂದು ಥಾಣೆಯ ವಾಘ್ಳೆ ಎಸ್ಟೇಟ್ ಪ್ರದೇಶದಲ್ಲಿ ಬೆಳಕಿಗೆ ಬಂದಿದೆ. ಬೀದಿ ನಾಯಿಯೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದ ವ್ಯಕ್ತಿ‌ ಕುರಿತು ಸ್ಥಳೀಯ ಸ್ವಯಂಸೇವಕ ಶುಭಂ ಚಂದಲಿಯಾ ವರದಿ ಮಾಡಿದ್ದಾರೆ.

ಇಂದಿರಾ ನಗರ ಪ್ರದೇಶದ ನಿವಾಸಿ ಪ್ರೀತಮ್ ಸಾಹು (40) ಆರೋಪಿ. ಹೇಯ ಕೃತ್ಯ ಎಸಗುತ್ತಿದ್ದಾಗ ಆತನನ್ನು ಸ್ಥಳದಲ್ಲೇ ಹಿಡಿಯಲಾಗಿದ್ದು, ಪ್ರಾಣಿ ಹಕ್ಕು ಕಾರ್ಯಕರ್ತರು ಮತ್ತು ಕಲ್ಯಾಣ ಸಂಸ್ಥೆಗಳು ತಕ್ಷಣ ಕ್ರಮ ಕೈಗೊಂಡಿವೆ.

ಪ್ರಾಣಿ ಕ್ರೌರ್ಯ ತಡೆ ಕಾಯ್ದೆ, 1960 ರ ಸೆಕ್ಷನ್ 11 (1) (ಎ) ಅಡಿಯಲ್ಲಿ ಶ್ರೀನಗರ ಪೊಲೀಸ್ ಠಾಣೆಯಲ್ಲಿ ಆರೋಪಿ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ.

ಪಾಲ್ (ಪ್ಯೂರ್ ಅನಿಮಲ್ ಲವರ್ಸ್) ಕಲ್ಯಾಣ ಫೌಂಡೇಶನ್‌ನ ಪ್ರಾಣಿ ಹಕ್ಕು ಕಾರ್ಯಕರ್ತೆ ಯೋಗಿತಾ ನರ್ವೇಕರ್ ಎಫ್‌ಐಆರ್ ದಾಖಲಿಸಿದ್ದಾರೆ. ಆರೋಪಿ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗಿದೆ ಎಂದು ಖಚಿತಪಡಿಸಿದ್ದಾರೆ. ಈ ಸಂಬಂಧ ಆರೋಪಿತ ವಿಡಿಯೋ ಸಾಕ್ಷ್ಯವನ್ನು ಸಹ ಮುಂದಿನ ಕಾನೂನು ಕ್ರಮಕ್ಕಾಗಿ ಪೊಲೀಸರಿಗೆ ಸಲ್ಲಿಸಲಾಗಿದೆ.

ಪಾಲ್ ಕಲ್ಯಾಣ ಫೌಂಡೇಶನ್‌ನ ಸಂಸ್ಥಾಪಕ ಸುಧೀರ್ ಕುಡಾಲ್ಕರ್ ಮತ್ತು ಪಾಲ್ ಕಲ್ಯಾಣ ಫೌಂಡೇಶನ್‌ನ ಪ್ರಾಣಿ ಹಕ್ಕು ಸಲಹೆಗಾರ ಮತ್ತು ಭಾರತದ ಪ್ರಾಣಿ ಕಲ್ಯಾಣ ಮಂಡಳಿಯ ಪ್ರಾಣಿ ಕಲ್ಯಾಣ ಅಧಿಕಾರಿ ಸಂದೀಪ್ ಕುಡ್ತಾರ್ಕರ್ ಕಾನೂನು ಪ್ರಕ್ರಿಯೆಗೆ ಮಾರ್ಗದರ್ಶನ ಮತ್ತು ಬೆಂಬಲ ನೀಡಿದ್ದಾರೆ.

“ನ್ಯಾಯ ಒದಗಿಸುವುದರ ಜೊತೆಗೆ, ನಾಯಿಗೆ ತಕ್ಷಣದ ವೈದ್ಯಕೀಯ ಚಿಕಿತ್ಸೆ ಸಿಗುವಂತೆ ನೋಡಿಕೊಳ್ಳಲು ಪ್ರಯತ್ನಿಸಲಾಯಿತು. ನಮ್ಮ ಸ್ವಯಂಸೇವಕ ಸಾರ್ಥಕ್ ಚೌಗ್ಲೆ ಆಘಾತಕ್ಕೊಳಗಾದ ಪ್ರಾಣಿಯನ್ನು ಅಗತ್ಯ ವೈದ್ಯಕೀಯ ಪರೀಕ್ಷೆಗಳು ಮತ್ತು ಚಿಕಿತ್ಸೆಗಾಗಿ ಎಸ್‌ಪಿಸಿಎ ಪರೆಲ್ ಆಸ್ಪತ್ರೆಗೆ ಕರೆದೊಯ್ದರು,” ಎಂದು ಕುಡ್ತಾರ್ಕರ್ ಹೇಳಿದರು.