‘ಮ್ಯಾಡಿ’ ಚಿತ್ರದ ಪ್ರಮೋಷನಲ್ ಸಾಂಗ್ ರಿಲೀಸ್

ನಾಗಭೂಷಣ್ ಎಸ್ಆರ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ‘ಮ್ಯಾಡಿ’ ಚಿತ್ರದ ಪ್ರಮೋಷನಲ್ ಹಾಡನ್ನು ಯೂಟ್ಯೂಬ್ ನಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಹಾಡಿಗೆ ಚೇತನ್ ಕುಮಾರ್ ಹಾಗೂ ಅದಿತಿ ಸಾಗರ್ ಧ್ವನಿಯಾಗಿದ್ದು, ಧರ್ಮ ವಿಶ್ ಸಂಗೀತ ಸಂಯೋಜನೆ ನೀಡಿದ್ದಾರೆ. ಇನ್ನುಳಿದಂತೆ ಚೇತನ್ ಕುಮಾರ್ ಪದ ಪೋಣಿಸಿದ್ದಾರೆ.

ಈ ಚಿತ್ರವನ್ನು ಎಸ್ ಎಂ ಸಿ ಕಂಬೈನ್ಸ್ ಬ್ಯಾನರ್ ನಲ್ಲಿ ಸರಸ್ವತಿ ಆರ್ ನಾಗೇಶ್ ನಿರ್ಮಾಣ ಮಾಡಿದ್ದು, ಧನುಷ್ ಕುಮಾರ್ ನಾಯಕ ನಟನಾಗಿ ಅಭಿನಯಿಸಿದ್ದಾರೆ. ವಿಜಯ್ ಎಂ ಕುಮಾರ್ ಸಂಕಲನ, ಲವಿತ್ ಛಾಯಾಗ್ರಹಣ, ಹಾಗೂ ಮೋಹನ್ ಭಜರಂಗಿ ಹಾಗೂ ಗೋಕುಲ್ ನೃತ್ಯ ನಿರ್ದೇಶನವಿದೆ.