ಶಾಪಿಂಗ್ ಮಾಲ್ಗಳಿಂದ ಹಿಡಿದು ಮೆಟ್ರೋ ನಿಲ್ದಾಣಗಳವರೆಗೂ ಎಸ್ಕಲೇಟರ್ಗಳು ಈಗ ಸಾಮಾನ್ಯವಾಗಿದೆ. ಆದರೆ ಅನೇಕರು ಇಂದಿಗೂ ಎಸ್ಕಲೇಟರ್ಗಳನ್ನು ಬಳಕೆ ಮಾಡಲು ಹೆದರುತ್ತಾರೆ.
ಈ ನಡುವೆ ಸೋಶಿಯಲ್ ಮೀಡಿಯಾದಲ್ಲಿ ಲುಕಾ ಲೊಬುನೊ ಎಂಬವರು ಹೊಸದೊಂದು ಪ್ರಯೋಗದ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ಇದು ಎಸ್ಕಲೇಟರ್ ಹತ್ತಲು ಹೆಣಗಾಡುತ್ತಿರುವ ಅಪರಿಚಿತರಿಗೆ ವ್ಯಕ್ತಿಯೊಬ್ಬ ಸಹಾಯ ಮಾಡುತ್ತಿರುವ ದೃಶ್ಯವನ್ನು ಹೊಂದಿದೆ.
ಈ ವಿಡಿಯೋದಲ್ಲಿ ನಟ ಲುಕಾ ಲೊಬುನೊ ಎಂಬವರು ಎಸ್ಕಲೇಟರ್ನಿಂದ ಇಳಿಯಲು ಹೆಣಗಾಡುತ್ತಿರುವಂತೆ ನಟಿಸುತ್ತಿರುತ್ತಾರೆ. ಅನೇಕರು ಇದನ್ನು ನೋಡಿ ಸಹಾಯ ಮಾಡುವ ಗೋಜಿಗೆ ಹೋಗದೇ ಅವರಷ್ಟಕ್ಕೆ ಅವರು ಇರುತ್ತಾರೆ. ಈ ವೇಳೆ ಅಪರಿಚಿತ ವ್ಯಕ್ತಿಯೊಬ್ಬರು ನಟನಿಗೆ ಎಸ್ಕಲೇಟರ್ನಿಂದ ಇಳಿಯಲು ಸಹಾಯ ಮಾಡಿದ್ದು ಈ ವಿಡಿಯೋ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
ಈ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದ್ದು, ಈ ವಿಡಿಯೋಗೆ ಕಮೆಂಟ್ ಮಾಡಿದ ಓರ್ವ ವ್ಯಕ್ತಿ, ಈ ವಿಡಿಯೋ ನನ್ನ ಕಣ್ಣಲ್ಲಿ ನೀರು ತರಿಸಿತು. ಯುವಕನ ದಯಾಗುಣ ನನಗೆ ಇಷ್ಟವಾಯ್ತು ಎಂದು ಬರೆದಿದ್ದಾರೆ. ಅಗತ್ಯ ಇರುವವರಿಗೆ ಯಾರೂ ಸಹಾಯ ಮಾಡಲು ಮುಂದಾಗೋದಿಲ್ಲ ಕೇವಲ ನೋಡುತ್ತಾ ಇದ್ದು ಬಿಡುತ್ತಾರೆ. ಆದರೆ ಈ ವ್ಯಕ್ತಿ ತನ್ನ ಕುಟುಂಬಸ್ಥರ ಜೊತೆಯಲ್ಲಿ ಈತನಿಗೂ ಸಹಾಯ ಮಾಡಿದ್ದು ಖುಷಿಯಾಯ್ತು ಎಂದಿದ್ದಾರೆ.
Loading ...