ಆಂಧ್ರದ ವಿಶಾಖಪಟ್ಟಣಂನಲ್ಲಿನ ಒಂದು ಶತಮಾನದಷ್ಟು ಹಳೆಯದಾದ ದೇವಾಲಯ ವಾಸವಿ ಕನ್ಯಕಾ ಪರಮೇಶ್ವರಿ ಸಾಕಷ್ಟು ಜನಪ್ರಿಯವಾಗಿದೆ. ಈ ದೇವಾಲಯದಲ್ಲಿ ದೇವಿಯನ್ನು ಚಿನ್ನದ ಸೀರೆಯಿಂದ ಅಲಂಕರಿಸಲಾಗಿದೆ ಎಂದು ನಿಮಗೆ ತಿಳಿದಿದೆಯೇ?
ವರದಿಗಳ ಪ್ರಕಾರ ದೇವಾಲಯದಲ್ಲಿ ಶ್ರಾವಣ ಮಾಸದ ಕೊನೆಯ ಶುಕ್ರವಾರದಂದು ದೇವಿಗೆ ಮಧ್ಯರಾತ್ರಿಯಿಂದ ವಿಶೇಷ ಪೂಜೆ ಪ್ರಾರಂಭವಾಯಿತು. ವಿಶೇಷ ಪಂಚಾಮೃತ ಅಭಿಷೇಕ ನಡೆಸಿದ ಬಳಿಕ ದೇವಿಗೆ 5 ಕೆ.ಜಿ ತೂಕದ ಚಿನ್ನದ ಸೀರೆ ಉಡಿಸಲಾಯಿತು.
ಅಲ್ಲದೆ ವೇದ ವಿದ್ವಾಂಸರ ಸಮ್ಮುಖದಲ್ಲಿ ಅರಿಶಿನ, ಕುಂಕುಮ, ಹಾಲು ಮಿಶ್ರಿತ ನೀರಿನಿಂದ ವೈಜ್ಞಾನಿಕವಾಗಿ ವಿಶೇಷ ಪೂಜೆ ನೆರವೇರಿಸಲಾಯಿತು. ವಿಶೇಷ ಪೂಜೆಗಳ ನಂತರ ಭಕ್ತರಿಗೆ ದೇವಿಯ ದರ್ಶನ ನೀಡಲಾಯಿತು.
ಶ್ರಾವಣದ ಕೊನೆಯ ಶುಕ್ರವಾರವಾದ್ದರಿಂದ 300 ಮಹಿಳೆಯರೊಂದಿಗೆ ಅಮ್ಮವಾರಿ ಕುಂಕುಮ ಪೂಜೆ ನೆರವೇರಿತು. ವಾಸವಿ ಕನ್ಯಕಾ ಪರಮೇಶ್ವರಿ ದೇವಿಯ ಅಮ್ಮವಾರಿ ಕುಂಕುಮ ಪೂಜೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು ನಮ್ಮ ಅದೃಷ್ಟ ಎಂದು ಮಹಿಳೆಯರು ಭಾವಿಸಿದ್ದಾರೆ.
ಪ್ರತಿ ವರ್ಷ ಶ್ರಾವಣ ಮಾಸದಲ್ಲಿ ಒಂದೊಂದು ಶುಕ್ರವಾರದಂದು ಅಮ್ಮ ಬೇರೆ ಬೇರೆ ರೂಪದಲ್ಲಿ ಕಾಣಿಸಿಕೊಳ್ಳುತ್ತಾಳೆ. ಈ ವರ್ಷ ನಾಲ್ಕನೇ ಶುಕ್ರವಾರ ದೇವಿ ಚಿನ್ನದ ಸೀರೆಯಲ್ಲಿ ಕಾಣಿಸಿಕೊಂಡಿದ್ದಳು. ಪ್ರತಿ ವರ್ಷ ಶ್ರಾವಣ ಶುಕ್ರವಾರದಂದು ಇಲ್ಲಿ ದೇವಿಗೆ ವಿಶೇಷ ಪೂಜೆ ನಡೆಯುತ್ತದೆ.
ಶ್ರಾವಣ ಶುಕ್ರವಾರದ ನಾಲ್ಕನೇ ವಾರದಂದು ಅಮ್ಮನಿಗೆ ಅಲಂಕರಿಸಿದ ರೇಷ್ಮೆ ಸೀರೆಗಳನ್ನು ಹರಾಜು ಹಾಕಲಾಗುವುದು ಎಂದು ಸಂಘಟಕರು ಮಾಹಿತಿ ಹಂಚಿಕೊಂಡಿದ್ದಾರೆ. ಅಮ್ಮಾವಾರಿ ಕುಂಕುಮ ಪೂಜೆಗೆ ಬರುವ ಮಹಿಳೆಯರು ಸೀರೆ ಹರಾಜಿನಲ್ಲಿ ಭಾಗವಹಿಸಿ ಅದನ್ನು ಮನೆಗೆ ತೆಗೆದುಕೊಂಡು ಹೋಗುತ್ತಾರೆ. ದೇವಿಯು ಧರಿಸಿರುವ ಸೀರೆಯು ಮನೆಗೆ ಅದೃಷ್ಟ ಮತ್ತು ಸಂಪತ್ತನ್ನು ತರುತ್ತದೆ ಎಂಬ ನಂಬಿಕೆಯಿದೆ.
ಈ ಹಿಂದೆ ವಾಸವಿ ಕನ್ಯಕಾ ಪರಮೇಶ್ವರಿ ದೇವಿಯ ದೇವಸ್ಥಾನವನ್ನು ಕರೆನ್ಸಿ ನೋಟು ಮತ್ತು ಚಿನ್ನದಿಂದ ಅಲಂಕರಿಸಲಾಗಿತ್ತು.
Loading ...
