ಈ ರಾಶಿಯವರಿಗಿದೆ ಇಂದು ಉತ್ತಮ ಸ್ಥಾನ ಪ್ರಾಪ್ತಿ ಯೋಗ

 

ಮೇಷ : ಭೂಮಿಗೆ ಸಂಬಂಧಪಟ್ಟ ವ್ಯವಹಾರ ಅಧಿಕ ಲಾಭ ತರುವುದು. ಸಂಸಾರದ ಕೆಲವು ಗುಟ್ಟುಗಳು ಯಾರ ಬಳಿಯೂ ಚರ್ಚಿಸದೆ ಇರುವುದು ಒಳಿತು. ಕುಟುಂಬದ ಆಸ್ತಿ ವ್ಯವಹಾರಕ್ಕೆ ನಿಮ್ಮಲ್ಲಿಯೇ ಪರಸ್ಪರ ಮಾತನಾಡಿಕೊಂಡು ಬಗೆಹರಿಸಿಕೊಳ್ಳಿ.

ವೃಷಭ : ಇಂದು ನೀವು ಸ್ನೇಹಜೀವಿ, ಪ್ರೇಮ ಜೀವಿ ಆಗಿರುವಿರಿ. ಒಡನಾಟಗಳಿಂದ ನಿಮ್ಮ ಮನಸ್ಸು ಪ್ರಫುಲ್ಲವಾಗಿರುತ್ತದೆ. ಇಂದು ನಿಮ್ಮ ಹರ್ಷಕ್ಕೆ ಪಾರವೇ ಇಲ್ಲ. ಪ್ರೀತಿಯಲ್ಲಿನ ಸ್ವಾರ್ಥವೂ ಅದು ಪ್ರೇಮ ಪರಾಕಾಷ್ಟೆ ಆಗಿರುತ್ತದೆ. ನಿಮ್ಮ ಸಂಗಾತಿಯೊಡನೆ ಕೋಪ, ಪ್ರೇಮ ಎಲ್ಲವೂ ಇದೆ ಇಂದು.

ಮಿಥುನ : ಆತ್ಮೀಯರ ಉತ್ತಮ ಸಲಹೆಯಿಂದ ಮಾನಸಿಕ ಚಿಂತೆ ಹಾಗೂ ಒತ್ತಡವು ದೂರವಾಗುವುದು. ನಿಮ್ಮಲ್ಲಿನ ಕೆಲಸದ ಚಿಂತೆಯಿಂದ ಮಾನಸಿಕ ಖಿನ್ನತೆ ಆಗುತ್ತಿದೆ, ವಿಶ್ರಾಂತಿ ಅಗತ್ಯವಾಗಿ ಬೇಕಾಗಿದೆ. ನಿಮ್ಮ ಕೆಲಸದ ಪ್ರಯತ್ನದಿಂದ ಉತ್ತಮವಾದ ಸ್ಥಾನ ಪ್ರಾಪ್ತಿ ಆಗಲಿದೆ.

ಕಟಕ : ಕುಟುಂಬವನ್ನು ಸಂತೋಷಪಡಿಸಲು ಇಂದು ನೀವು ವಿಶೇಷ ಕಾರ್ಯಗಳನ್ನು ಮಾಡುವಿರಿ. ನಿಮ್ಮ ಆರೈಕೆ, ಪ್ರೀತಿ ನಿಮ್ಮ ಕೆಲಸದ ಗುಣಗಳಿಂದ ಆಪ್ತರು ಮೂಕವಿಸ್ಮಿತರಾಗಿ ನಿಮ್ಮನ್ನು ದೊಡ್ಡ ಮಟ್ಟದಲ್ಲಿ ನೋಡುವ ದಿನವಿದು.

ಸಿಂಹ : ಇಂದು ನಿಮ್ಮ ಕೆಲಸದಲ್ಲಿ ಉಪ ಕೆಲಸಗಳು ನಿಮ್ಮ ಆರ್ಥಿಕ ವೃದ್ಧಿಗೆ ಸಹಕಾರಿಯಾಗಲಿದೆ. ಪ್ರಯಾಣಕ್ಕೆ ಸೂಕ್ತವಾದ ದಿನವಲ್ಲ. ಮದುವೆಗೆ ಸನ್ನದ್ಧರಾಗಿರುವವರು ಶೀಘ್ರದಲ್ಲೇ ದಿನಾಂಕ ನಿಶ್ಚಯವಾಗುವುದು. ಪ್ರೀತಿಯಿಂದ ಎಲ್ಲರ ಮನವನ್ನು ಗೆಲ್ಲುವಿರಿ.

ಕನ್ಯಾ : ನಿಮ್ಮಲ್ಲಿನ ಸಾಮಾಜಿಕ ಕ್ಷೇತ್ರದಲ್ಲಿನ ತುಡಿತವನ್ನು ನಿರ್ಲಕ್ಷ ಮಾಡದಿರಿ. ಸಮಯ ಹೊಂದಾಣಿಕೆ ಮಾಡಿಕೊಂಡು ಕುಟುಂಬದೊಂದಿಗೆ ಹಾಗೆಯೇ ಸಮಾಜಮುಖಿ ಕಾರ್ಯಗಳಲ್ಲಿ ಪಾಲ್ಗೊಳ್ಳುವುದು ನಿಮಗೆ ಸಂತೋಷ ನೀಡುವುದು. ನಿಮ್ಮ ಕಾರ್ಯ ಮಗ್ನತೆಯಿಂದ ಒತ್ತಡವನ್ನು ಜಯಿಸುವಿರಿ.

ತುಲಾ : ನಿಮ್ಮ ಕನಸಿನ ಯೋಜನೆಯು ಆಮೆಗತಿಯಲ್ಲಿ ಸಾಗುತ್ತಿದೆ. ಯೋಜನೆಗೆ ಚುರುಕುತನ ನೀಡಲು ಪ್ರಯತ್ನಿಸುವುದು ಒಳ್ಳೆಯದು. ಸುತ್ತಲಿನ ವಾತಾವರಣವೂ ಪ್ರೇಮ ಪರಾಕಾಷ್ಟೆಯನ್ನು ತಲುಪುವಲ್ಲಿ ಯಶಸ್ವಿಯಾಗುವುದು. ನಿಮ್ಮಲ್ಲಿನ ಚೈತನ್ಯವು ವೃದ್ಧಿಯಾಗುತ್ತಿದೆ.

ವೃಶ್ಚಿಕ : ಇಂದು ನೀವು ಮನರಂಜನೆ, ಕಲೆ, ಸಾಹಿತ್ಯ ಚಟುವಟಿಕೆಗಳಲ್ಲಿ ಆಸಕ್ತಿ ಮೂಡುವುದು. ಯಾವುದೇ ಒಂದು ವಿಷಯವನ್ನು ಚರ್ಚಿಸುವಾಗ ಮಾತಿನ ಭರದಲ್ಲಿ ಭರವಸೆಯನ್ನು ನೀಡಬೇಡಿ. ನಿಮ್ಮ ಯೋಜನೆಯ ಬದ್ಧತೆ ಹಾಗೂ ಪ್ರಯೋಜನ ಲಾಭಾಂಶವನ್ನು ಹಿರಿಯರ ಜೊತೆ ಚರ್ಚಿಸಿ ಪ್ರಾರಂಭ ಮಾಡಿ.

ಧನು : ನೀವು ನಿಮ್ಮ ಸಮಯದ ಹೊಂದಾಣಿಕೆಯನ್ನು ಮಾಡಿಕೊಳ್ಳಲು ಪ್ರಯತ್ನಪಡಿ. ಪ್ರೇಮಿಗಳು ತಮ್ಮ ಪ್ರೀತಿಪಾತ್ರರನ್ನು ಎಷ್ಟು ಪ್ರೀತಿಸುತ್ತಿದ್ದಾರೆ ಎಂಬುದು ಇಂದು ಮನವರಿಕೆ ಮಾಡಿಕೊಡಲಿದ್ದಾರೆ.

ಮಕರ : ಆಕರ್ಷಕ ಜಾಹೀರಾತಿಗೆ ಮರುಳಾಗಿ ಹೂಡಿಕೆಗಳನ್ನು ಮಾಡದಿರಿ. ನಿಪುಣರ ಸಹಾಯವನ್ನು ಪಡೆಯಿರಿ ವಿಶೇಷವಾಗಿ ದೀರ್ಘ ಕಾಲದ ಹೂಡಿಕೆಗಳು ಲಾಭದಾಯಕವಾಗಿರುತ್ತದೆ. ಇಂದು ಕುಟುಂಬದ ಜೊತೆಗೆ ಭೋಜನ ಕೂಟದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ.

ಕುಂಭ : ಬಂಧು ವರ್ಗದ ಜನರು ನಿಮ್ಮನ್ನು ವಿಶೇಷ ವ್ಯಕ್ತಿ ಎಂದು ಪರಿಗಣಿಸಿ ಆಹ್ವಾನ ನೀಡುವರು. ನಿಮ್ಮ ಕೆಲವು ಸಲಹೆ ಮತ್ತು ಸಹಾಯಕ್ಕಾಗಿ ಆತ್ಮೀಯರು, ಸಹೋದ್ಯೋಗಿಗಳು ಕೇಳಬಹುದು. ಮನೆಯಲ್ಲಿ ಶುಭ ಕಾರ್ಯ ಹಾಗೆಯೇ ದೇವತಾ ಕಾರ್ಯವನ್ನು ಮಾಡಲು ಒಪ್ಪಿಗೆ ಸೂಚಿಸುವರು.

ಮೀನ : ನಿಮ್ಮ ಮನಸ್ಸನ್ನು ನಿಯಂತ್ರಣದಲ್ಲಿಡಿ. ಕೆಲವು ಆಲೋಚನೆಗಳು ನಿಮಗೆ ಕೆಡುಕನ್ನು ಬಯಸಬಹುದು ಎಚ್ಚರವಿರಲಿ. ಇಂದು ಪ್ರಯಾಣದಲ್ಲಿ ಸಂತೋಷ ಹಾಗೂ ಲಗುಬಗೆ ಕಾಣಬಹುದು. ಹಣಕಾಸಿನಲ್ಲಿ ಬರುವ ಎಲ್ಲಾ ಮೂಲಗಳಿಂದ ಲಾಭದಾಯಕವಾಗಿದೆ.