ಶಾರುಖ್​ ಗುಣಗಾನ ಮಾಡಿದ ನಟಿ ತಾಪ್ಸಿ: ವಿಡಿಯೋ ವೈರಲ್​

ಶಾರುಖ್ ಖಾನ್ ಅವರ ಔದಾರ್ಯ ಮತ್ತು ದಯೆ ಎಲ್ಲರಿಗೂ ತಿಳಿದಿರುವ ವಿಷಯ. ನಟಿ ತಾಪ್ಸಿ ಪನ್ನು ಅವರು ಈಗ ಶಾರುಖ್​ ಅವರ ಬಗ್ಗೆ ಮಾತನಾಡಿದ್ದಾರೆ. ಇದರ ವಿಡಿಯೋ ವೈರಲ್​ ಆಗಿದೆ.

ತಾಪ್ಸಿ ಅವರು ಶಾರುಖ್​ ಅವರನ್ನು ಅವರ ಬಾಂದ್ರಾ ಮನೆ ‘ಮನ್ನತ್’ ನಲ್ಲಿ ಮೊದಲ ಬಾರಿಗೆ ಭೇಟಿಯಾದ ಸಮಯದ ಬಗ್ಗೆ ಮಾತನಾಡಿದ್ದಾರೆ. SRK ಅವರು ಪ್ರತಿಯೊಬ್ಬರನ್ನು ಹೇಗೆ ಅತ್ಯಂತ ಗೌರವದಿಂದ ನಡೆಸಿಕೊಳ್ಳುತ್ತಾರೆ ಎನ್ನುವುದಕ್ಕೆ ಇದು ಸಾಕ್ಷಿ. ಅಷ್ಟೆಲ್ಲಾ ಮಂದಿ ಸೆಲೆಬ್ರಿಟಿಗಳು ಇದ್ದರೂ ಶಾರುಖ್​ ಅವರಿಗೆ ನನ್ನ ಹೆಸರು ಚೆನ್ನಾಗಿ ನೆನಪಿತ್ತು ಎಂದಿದ್ದಾರೆ.

ಈ ವೀಡಿಯೊವನ್ನು ಸೈಯದ್ ಇರ್ಫಾನ್ ಅಹ್ಮದ್ ಅವರು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ ಮತ್ತು ಇದು ‘ದಿ ಲಾಲನ್‌ಟಾಪ್’ ಜೊತೆ ನಟಿ ನಡೆಸಿದ ಸಂವಾದವಾಗಿದೆ. ಶಾರುಖ್​ ಅವರು ದೇಶದ ಅತ್ಯುತ್ತಮ ನಟರಲ್ಲಿ ಒಬ್ಬರು ಎಂದು ನಟಿ ಹೇಳಿದ್ದಾರೆ. ಅನೇಕ ಮಂದಿ ಇದಕ್ಕೆ ಕಮೆಂಟ್​ಗಳನ್ನು ಹಾಕಿ ಶಾರುಖ್​ ಅವರ ಗುಣಗಾನ ಮಾಡಿದ್ದಾರೆ.