ರೊಟ್ಟಿ ಮಾಡುವಾಗ ಮಹಿಳೆಯಿಂದ ಸುಮಧುರ ಹಾಡು: ಮುಂದಿನ ಚಿತ್ರದಲ್ಲಿ ಅವಕಾಶ ನೀಡಲು ಸೋನು ಸೂದ್​ ನಿರ್ಧಾರ

ಅಡುಗೆ ಮಾಡುವಾಗ ʼಮೇರೆ ನೈನಾ ಸಾವನ್ ಬಾಧೋ ಫಿರ್​ ಭೀ ಮೇರಾ ಮನ್​ ಪ್ಯಾಸಾ……ʼ ಹಾಡನ್ನು ಸುಮಧುರವಾಗಿ ಹಾಡಿದ ಮಹಿಳೆ ನೆನಪಿದೆಯೇ ? ಆಕೆಯ ವೀಡಿಯೊ ಆನ್‌ಲೈನ್‌ನಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ ಮತ್ತು ಆಕೆಯ ಮಧುರ ಧ್ವನಿಯು ಇಂಟರ್ನೆಟ್‌ನಲ್ಲಿ ಸ್ವಲ್ಪ ಸಮಯದಲ್ಲೇ ಗೆದ್ದಿದೆ.

ಇದೀಗ, ವಿಡಿಯೋ ಆನ್‌ಲೈನ್‌ನಲ್ಲಿ ಮತ್ತೆ ಕಾಣಿಸಿಕೊಂಡಿದ್ದು, ಪುನಃ ವೈರಲ್ ಆಗುತ್ತಿದೆ. ಈ ಸಮಯದಲ್ಲಿ, ಇದು ನಟ ಸೋನು ಸೂದ್ ಅವರ ಗಮನವನ್ನೂ ಸೆಳೆದಿದೆ. ಸೋನು ಸೂದ್ ಮಹಿಳೆಯ ಈ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ ಮತ್ತು ಮುಂಬರುವ ಚಿತ್ರದಲ್ಲಿ ಈಕೆಯಿಂದ ಹಾಡಿಸುವ ಸಲುವಾಗಿ ಮಹಿಳೆಯ ಸಂಪರ್ಕ ಸಂಖ್ಯೆ ಇದ್ದರೆ ನೀಡುವಂತೆ ಕೇಳಿದ್ದಾರೆ.

ಈ ವಿಡಿಯೋವನ್ನು ಮೂಲತಃ ಮುಖೇಶ್ ಕುಮಾರ್ ಸಿನ್ಹಾ ಅವರು ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಮಹಿಳೆಯ ಮಗಳು ರೊಟ್ಟಿ ಮಾಡುವಾಗ ಹಾಡೊಂದನ್ನು ಹಾಡುವಂತೆ ಒತ್ತಾಯಿಸಿದ್ದಾಳೆ. ಸ್ವಲ್ಪ ತಡವರಿಸಿದ ನಂತರ, ಮಹಿಳೆ ಆರ್‌ಡಿ ಬರ್ಮನ್ ಸಂಯೋಜಿಸಿದ ಹಾಡನ್ನು ಹಾಡಿದರು. ಇದು ನೆಟ್ಟಿಗರ ಹೃದಯ ಗೆದ್ದಿದೆ.

https://twitter.com/SonuSood/status/1619006850867023872?ref_src=twsrc%5Etfw%7Ctwcamp%5Etweetembed%7Ctwterm%5E1619006850867023872%7Ctwgr%5Ef8e117dbd1f2e2fef1200f1d30dfd1332107e608%7Ctwcon%5Es1_&ref_url=https%3A%2F%2Fwww.indiatoday.in%2Ftrending-news%2Fstory%2Fsonu-sood-offers-woman-who-went-viral-for-singing-mere-naina-sawan-bhadon-a-chance-to-sing-in-films-2327497-2023-01-28