ಮಳೆಗಾಲದಲ್ಲಿ ನಮ್ಮ ವೇಷ ಭೂಷಣ, ಆಹಾರಕ್ರಮ ಎಲ್ಲವೂ ಬದಲಾಗುತ್ತದೆ. ಬೆಚ್ಚನೆಯ ಉಡುಪು ಧರಿಸಲಾರಂಭಿಸುತ್ತೇವೆ. ಬೇಸಿಗೆಯಲ್ಲಿ ಕೋಲ್ಡ್‌ ಜ್ಯೂಸ್‌ ಕುಡಿಯುತ್ತಿದ್ದ ನಾವೆಲ್ಲಾ ಈಗ ಬಿಸಿ ಕಾಫಿ, ಮಸಾಲೆ ಟೀ ಕುಡಿಯಲು ಇಷ್ಟ ಪಡುತ್ತೇವೆ.
ಬೇಸಿಗೆ, ಮಳೆ, ಚಳಿ ಈ ಮೂರು ಕಾಲಕ್ಕೆ ಒಂದೇ ರೀತಿಯ ತ್ವಚೆ ಆರೈಕೆಯ ವಿಧಾನ ಪಾಲಿಸಲು ಸಾಧ್ಯವಿಲ್ಲ. ಕಾಲ ಬದಲಾದಂತೆ ತ್ವಚೆ ಆರೈಕೆಯ ವಿಧಾನವೂ ಬದಲಾಗಬೇಕು. ಈಗ ಮಾನ್ಸೂನ್ ಸೀಸನ್. ಈ ಸಮಯದಲ್ಲಿ ತ್ವಚೆ ಸೌಂದರ್ಯಕ್ಕಾಗಿ ಏನು ಮಾಡಬೇಕು, ಏನು ಮಾಡಬಾರದು ಅಂತ ತಿಳಿದುಕೊಳ್ಳಿ.
* ದಿನದಲ್ಲಿ ಮೂರು ಬಾರಿ ಫೇಸ್‌ವಾಶ್‌ ಹಾಕಿ ಮುಖ ತೊಳೆಯಿರಿ.
* ಆಲ್ಕೋಹಾಲ್ ಅಂಶವಿಲ್ಲದ ಟೋನರ್‌ ಬಳಸಿ. ಇದರಿಂದ ತ್ವಚೆಯಲ್ಲಿ ಪಿ ಎಚ್ ಬ್ಯಾಲೆನ್ಸ್ ಮಾಡಬಹುದು.
* ಸ್ನಾನದ ಬಳಿಕ ಮಾಯಿಶ್ಚರೈಸರ್‌ ಹಚ್ಚಿ.
* ಸೆನ್ಸಿಟಿವ್ ಸ್ಕಿನ್‌ ಇರುವವರು ಆರ್ಟಿಫಿಶಿಯಲ್ ಜ್ಯೂವೆಲರಿ ಬಳಸದಿರುವುದು ಸೂಕ್ತ.
* ಚಳಿಯೆಂದು ತುಂಬಾ ಬಿಸಿ ನೀರನ್ನು ಸ್ನಾನಕ್ಕೆ ಬಳಸಬೇಡಿ. ತ್ವಚೆಗೆ ಉಗುರು ಬೆಚ್ಚಗಿನ ನೀರು ಒಳ್ಳೆಯದು.
* ಎಲ್ಲಾ ಸಮಯದಲ್ಲಿ ಶೂ ಬಳಸಬೇಡಿ. ಕಾಲಿನ ತ್ವಚೆಗೆ ಸ್ವಲ್ಪ ಗಾಳಿಯಾಡಲಿ. ವಾಟರ್‌ ಫ್ರೂಪ್ ಶೂ ಬಳಸಿ, ಇಲ್ಲದಿದ್ದರೆ ನೀರು ನಿಂತು ಕಾಲಿನ ತ್ವಚೆಯಲ್ಲಿ ತುರಿಕೆ ಕಂಡು ಬರುತ್ತದೆ.
* ಉತ್ತಮ ಕೊಬ್ಬಿನಂಶವಿರುವ ಆಹಾರ ತ್ವಚೆಯ ಅಂದವನ್ನು ಹೆಚ್ಚಿಸುತ್ತದೆ.
Loading ...