ಕಾರ್ ಖರೀದಿಸುವ ನಿರೀಕ್ಷೆಯಲ್ಲಿದ್ದವರಿಗೆ ಶಾಕ್: 62 ಸಾವಿರ ರೂ.ವರೆಗೆ ಬೆಲೆ ಏರಿಸಿದ ಮಾರುತಿ ಸುಜುಕಿ

ನವದೆಹಲಿ: ದೇಶದ ಅತಿ ದೊಡ್ಡ ಕಾರ್ ಉತ್ಪಾದಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ವಿವಿಧ ಮಾದರಿಗಳ ಕಾರ್ ಗಳ ಬೆಲೆಯನ್ನು 2500 ರೂ. ನಿಂದ 62 ಸಾವಿರ ರೂ.ಗಳಷ್ಟು ಏರಿಕೆ ಮಾಡಿರುವುದಾಗಿ ತಿಳಿಸಿದೆ.

ಏಪ್ರಿಲ್ 8ರಿಂದ ಹೊಸ ದರ ಜಾರಿಗೆ ಬರಲಿದೆ. ಹೆಚ್ಚುತ್ತಿರುವ ಉತ್ಪಾದನಾ ವೆಚ್ಚ ಸರಿದೂಗಿಸುವ ಉದ್ದೇಶದಿಂದ ಈ ಕ್ರಮ ಅನಿವಾರ್ಯವೆಂದು ಮಾರುತಿ ಸುಜುಕಿ ತಿಳಿಸಿದೆ.

ಕಾಂಪ್ಯಾಕ್ಟ್ ಎಸ್.ಯು.ವಿ. ಫ್ರಾಂಕ್ಸ್ ಬೆಲೆಯನ್ನು 2500 ರೂ. ಹೆಚ್ಚಳ ಮಾಡಲಾಗಿದೆ, ಡಿಸೈರ್ ಟೂರ್ ಎಸ್ 3000 ರೂ.ನಷ್ಟು ಏರಿಕೆ ಮಾಡಲಾಗಿದೆ. ಎಕ್ಸೆಲ್ 6, ಎರ್ಟಿಗಾ ಬೆಲೆಯನ್ನು 12500 ರೂ. ಹೆಚ್ಚಳ ಮಾಡುವುದಾಗಿ ಹೇಳಲಾಗಿದೆ.

ಫೆಬ್ರವರಿ 1ರಿಂದ 32,500 ರೂ. ವರೆಗೆ ದರ ಹೆಚ್ಚಳ ಮಾಡಲಾಗಿದ್ದು, ಅದಾಗಿ ಎರಡು ತಿಂಗಳಲ್ಲಿ ಮತ್ತೆ ಮಾರುತಿ ಸುಜುಕಿ ದರ ಪರಿಷ್ಕರಣೆ ಮಾಡಲಾಗಿದೆ.