ಹರಿಯಾಣ ವಿಧಾನಸಭೆ ಚುನಾವಣೆಗೆ ಭಾರತೀಯ ಜನತಾ ಪಕ್ಷ ತನ್ನ ಮೊದಲ ಅಭ್ಯರ್ಥಿಗಳ ಪಟ್ಟಿಯನ್ನು ಬುಧವಾರ ಬಿಡುಗಡೆ ಮಾಡಿದೆ.
ರಾಜ್ಯದ ಮುಖ್ಯಮಂತ್ರಿ ನಯಾಬ್ ಸಿಂಗ್ ಸೈನಿ ಅವರು ಲಾಡ್ವಾ ಕ್ಷೇತ್ರದಿಂದ ಸ್ಪರ್ಧಿಸಲಿದ್ದು, ಪಕ್ಷದ ಹಿರಿಯ ನಾಯಕ ಅನಿಲ್ ವಿಜ್ ಅಂಬಾಲಾ ಕ್ಯಾಂಟ್ ಕ್ಷೇತ್ರದಿಂದ ಸ್ಪರ್ಧಿಸಲಿದ್ದಾರೆ. ಈ ವರ್ಷದ ಜೂನ್‌ನಲ್ಲಿ ನಡೆದ ಉಪಚುನಾವಣೆಯಲ್ಲಿ ಅವರು ಗೆದ್ದಿರುವ ಕರ್ನಾಲ್ ಅಸೆಂಬ್ಲಿ ಸ್ಥಾನವನ್ನು ಪ್ರಸ್ತುತ ಅವರು ಪ್ರತಿನಿಧಿಸುತ್ತಿರುವ ಕಾರಣ ಮುಖ್ಯಮಂತ್ರಿ ಸೈನಿ ಅವರ ಕ್ಷೇತ್ರವನ್ನು ಬಿಜೆಪಿ ಬದಲಾಯಿಸಿದೆ. ಹರ್ಯಾಣದ ಮಾಜಿ ಗೃಹ ಸಚಿವ ವಿಜ್ ಅವರು ತಮ್ಮ ಸ್ಥಾನದಿಂದ ಟಿಕೆಟ್ ಉಳಿಸಿಕೊಂಡರು. ಅಂಬಾಲಾ ಕಂಟೋನ್ಮೆಂಟ್ ನಿಂದ ಅವರು 2009 ರಿಂದ ಸತತ ಮೂರು ಬಾರಿ ಗೆಲುವು ದಾಖಲಿಸಿದ್ದಾರೆ.
ಜಗದ್ರಿಯಿಂದ ಕನ್ವರ್ ಪಾಲ್ ಗುರ್ಜರ್, ರಾಟಿಯಾದಿಂದ ಸುನೀತಾ ದುಗ್ಗಲ್(ಎಸ್‌ಸಿ), ನಾರ್ನಾಂಡ್‌ನಿಂದ ಕ್ಯಾಪ್ಟನ್ ಅಭಿಮನ್ಯು, ಆದಂಪುರದಿಂದ ಭವ್ಯಾ ಬಿಷ್ಣೋಯ್, ತೋಷಮ್‌ನಿಂದ ಶ್ರುತಿ ಚೌಧರಿ ಮತ್ತು ಬದ್ಲಿಯಿಂದ ಓಂ ಪ್ರಕಾಶ್ ಧನ್ಕರ್ ಸ್ಪರ್ಧಿಸಲಿದ್ದಾರೆ.
https://twitter.com/BJP4India/status/1831346433665994800
Loading ...
