ಮುಖದ ಮೇಲಿನ ಅನಗತ್ಯ ಕೂದಲನ್ನು ತೆಗೆಯಲು ಫೇಸ್ ವ್ಯಾಕ್ಸಿಂಗ್ ಅತ್ಯಂತ ಜನಪ್ರಿಯ ವಿಧಾನವಾಗಿದೆ. ಇದನ್ನು ಸಾಮಾನ್ಯವಾಗಿ ಮಹಿಳೆಯರು ಬಳಸುತ್ತಾರೆ. ಗಡ್ಡ, ಮೀಸೆ ಅಥವಾ ಯಾವುದೇ ರೀತಿಯ ಕೂದಲು ಮುಖದಲ್ಲಿ ಗೋಚರಿಸದಂತೆ ಫೇಸ್ ವ್ಯಾಕ್ಸ್‌ ಮಾಡಲಾಗುತ್ತದೆ.
ಅಪ್ಪರ್‌ ಲಿಪ್‌, ಐಬ್ರೋ, ಮುಖದ ಎರಡೂ ಬದಿಗಳಲ್ಲಿ ಬಿಸಿ ಮೇಣವನ್ನು ಅನ್ವಯಿಸಲಾಗುತ್ತದೆ. ನಂತರ ಅದನ್ನ ಎಳೆದು ತೆಗೆದಾಗ ಮುಖದ ಕೂದಲು ಕೂಡ ಮೇಣದೊಂದಿಗೆ ಬರುತ್ತದೆ. ಶೇವಿಂಗ್‌ ಮಾಡಲು ಇಷ್ಟವಿಲ್ಲದ ಮಹಿಳೆಯರು ಈ ವಿಧಾನವನ್ನು ಅಳವಡಿಸಿಕೊಳ್ಳುತ್ತಾರೆ. ಆದರೆ ಫೇಸ್ ವ್ಯಾಕ್ಸಿಂಗ್ ಕೆಲವರಿಗೆ ಹಾನಿಕಾರಕ.
ಮುಖದ ವ್ಯಾಕ್ಸಿಂಗ್ ಮಾಡಿಸಬೇಕೆ ಅಥವಾ ಬೇಡವೇ ಎಂಬುದು ವೈಯಕ್ತಿಕ ಆದ್ಯತೆಗಳು, ಚರ್ಮದ ಸೂಕ್ಷ್ಮತೆ ಮತ್ತು ಕೂದಲಿನ ಬೆಳವಣಿಗೆಯ ಮಾದರಿಗಳಂತಹ ಹಲವಾರು ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ. ವ್ಯಾಕ್ಸಿಂಗ್ ಚರ್ಮವನ್ನು ತಾತ್ಕಾಲಿಕವಾಗಿ ಕೆರಳಿಸಬಹುದು, ವಿಶೇಷವಾಗಿ ಸೂಕ್ಷ್ಮ ಚರ್ಮ ಹೊಂದಿರುವವರಿಗೆ ಈ ಸಮಸ್ಯೆ ಆಗಬಹುದು. ವ್ಯಾಕ್ಸಿಂಗ್ ಮಾಡಿದ ನಂತರ ಚರ್ಮದ ಮೇಲೆ ಕೆಂಪು ದದ್ದುಗಳು, ಊತ ಕಾಣಿಸಿಕೊಳ್ಳಲು ಪ್ರಾರಂಭಿಸಿದರೆ ಅದನ್ನು ಮಾಡಿಸಿಕೊಳ್ಳದೇ ಇರುವುದು ಉತ್ತಮ.
ಅನೇಕರಿಗೆ ಫೇಸ್ ವ್ಯಾಕ್ಸಿಂಗ್ ಅನ್ನು ಸರಿಯಾಗಿ ಮಾಡುವ ವಿಧಾನ ತಿಳಿದಿರುವುದಿಲ್ಲ. ಸರಿಯಾಗಿ ಮಾಡದೇ ಇದ್ದರೆ ಅದರಿಂದ ಗಾಯವೂ ಆಗಬಹುದು. ಮೊಡವೆ, ಗಾಯಗಳು ಮತ್ತಿತರ ತೊಂದರೆ ಇರುವವರು ಫೇಸ್ ವ್ಯಾಕ್ಸಿಂಗ್ ಮಾಡದೇ ಇರುವುದು ಸೂಕ್ತ. ಏಕೆಂದರೆ ಅದು ನಿಮಗೆ ಹೆಚ್ಚು ಹಾನಿಯನ್ನುಂಟುಮಾಡುತ್ತದೆ. ಈ ಫ್ಯಾಷನ್ ಯುಗದಲ್ಲಿ ಎಲ್ಲರೂ ಸುಂದರವಾಗಿ ಕಾಣಬೇಕೆಂದು ಬಯಸುತ್ತಾರೆ.
ಸೋಷಿಯಲ್ ಮೀಡಿಯಾದ ಟ್ರೆಂಡ್ ಜೋರಾಗಿರುವುದರಿಂದ ಚೆನ್ನಾಗಿ ಕಾಣಬೇಕೆಂಬ ತವಕದಲ್ಲಿ ಫೇಸ್ ವ್ಯಾಕ್ಸಿಂಗ್ ಮಾಡಿಕೊಂಡು ಮುಖಕ್ಕೆ ಹಾನಿ ಮಾಡಿಕೊಳ್ಳಬೇಡಿ. ಇದು ನಿಮ್ಮ ಮುಖವನ್ನು ಇನ್ನಷ್ಟು ಹದಗೆಡಿಸಬಹುದು. ಆದ್ದರಿಂದ ಪರಿಣಿತ ಚರ್ಮರೋಗ ವೈದ್ಯ ಅಥವಾ ಸೌಂದರ್ಯಶಾಸ್ತ್ರಜ್ಞರಿಂದ ಸಲಹೆಯನ್ನು ಪಡೆಯಬೇಕು.
Loading ...