ಕ್ಯಾನ್ಸರ್ ಸುಲಭದ ಯುದ್ಧವಂತೂ ಅಲ್ವೇ ಇಲ್ಲ. ಈ ರೋಗವು ಸೋಂಕಿತ ವ್ಯಕ್ತಿಗೆ ಮಾತ್ರವಲ್ಲದೇ ಇಡೀ ಕುಟುಂಬಕ್ಕೆ ಒಂದು ರೀತಿ ಶಿಕ್ಷೆಯಿದ್ದಂತೆ. ಇವರ ಜೊತೆಗೆ ಇರುವವರಿಂದ ಮಾಡಲು ಸಾಧ್ಯವಾಗುವ ಒಂದೇ ಒಂದು ಕೆಲಸ ಅಂದ್ರೆ ರೋಗಿಯನ್ನು ಸಂತೋಷವಾಗಿಟ್ಟುಕೊಳ್ಳುವುದು.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ತಿಂಗಳುಗಟ್ಟಲೇ ಆಸ್ಪತ್ರೆಯಲ್ಲಿ ಕ್ಯಾನ್ಸರ್ ರೋಗಕ್ಕೆ ಚಿಕಿತ್ಸೆ ಪಡೆದು ಮನೆಗೆ ಬಂದ ಬಾಲಕನ್ನು ನೋಡಿ ಆತನ ಒಡಹುಟ್ಟಿದವರು ನೀಡಿದ ರಿಯಾಕ್ಷನ್ ನೆಟ್ಟಿಗರ ಮನಕಲಕುವಂತಿದೆ. ಈ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಲಾಗಿದೆ.
ತಿಂಗಳುಗಳ ಬಳಿಕ ಚಿಕ್ಕ ಹುಡುಗ ಕ್ಯಾನ್ಸರ್ ಚಿಕಿತ್ಸೆ ಮುಗಿಸಿ ಮನೆಗೆ ಬಂದಿರೋದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ. ಈತನನ್ನು ನೋಡಿದ ಆತನ ಸಹೋದರ ಹಾಗೂ ಸಹೋದರಿ ಕಣ್ಣೀರಿಡುತ್ತಾ ಈತನ ಬಳಿ ಓಡಿ ಬರ್ತಾರೆ. ಹಾಗೂ ಒಬ್ಬರನ್ನೊಬ್ಬರು ಅಪ್ಪಿಕೊಳ್ತಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಈ ಹುಡುಗ ನಿಜವಾದ ಫೈಟರ್ ಅಂತಾ ಹೇಳ್ತಿದ್ದಾರೆ.
ಅಲ್ಲದೇ ಇನ್ನೂ ಕೆಲವರು ಈ ಬಾಲಕ ಶೀಘ್ರ ಗುಣಮುಖನಾಗಲಿ ಎಂದು ಪ್ರಾರ್ಥಿಸಿದ್ದಾರೆ. ಇಂತಹ ದೊಡ್ಡ ದೊಡ್ಡ ಕಾಯಿಲೆಯನ್ನ ದೇವರು ಮಕ್ಕಳಿಗೇಕೆ ಕೊಡ್ತಾನೆ ಎಂದು ಕಮೆಂಟ್ನಲ್ಲಿ ಅನೇಕರು ಪ್ರಶ್ನಿಸಿದ್ದಾರೆ.
Loading ...
