ಹೊಸ ವರ್ಷಾಚರಣೆಯಂದು ದೆಹಲಿಯಲ್ಲಿ ನಡೆದ 20 ವರ್ಷದ ಯುವತಿ ಅಂಜಲಿ ಅಪಘಾತದ ಪ್ರಕರಣದಲ್ಲಿ ಹಲವು ಅಚ್ಚರಿಯ ಬೆಳವಣಿಗೆಗಳು ಹೊರಬರ್ತಿವೆ. ಪ್ರಕರಣದಲ್ಲಿ ಪ್ರಮುಖ ಸಾಕ್ಷಿಯಾಗಿರುವ ಯುವತಿ ನಿಧಿ, ಮಾದಕ ವಸ್ತು ಕಳ್ಳಸಾಗಣೆಯಲ್ಲಿ ಈ ಹಿಂದೆ ಬಂಧಿತಳಾಗಿದ್ದಳು ಎಂಬುದು ಬಯಲಾಗಿದೆ.
ತೆಲಂಗಾಣದಿಂದ ಡ್ರಗ್ಸ್ ತಂದಿದ್ದಕ್ಕಾಗಿ ಆಗ್ರಾ ರೈಲು ನಿಲ್ದಾಣದಲ್ಲಿ ಆಕೆಯನ್ನು ತಡೆಹಿಡಿದು ನಂತರ ಆಕೆಯನ್ನ ಬಂಧಿಸಲಾಗಿತ್ತು. ಆದರೆ ಈ ಹಿಂದೆ ಆಕೆಯ ಮೇಲೆ ಯಾವುದೇ ಪೊಲೀಸ್ ಪ್ರಕರಣಗಳಿರಲಿಲ್ಲ ಎಂದು ಹೇಳಲಾಗಿತ್ತು.
ಅಪಘಾತ ಪ್ರಕರಣದಲ್ಲಿ ನಿಧಿಯ ಹೇಳಿಕೆಗಳು ಭಾರೀ ವಿರೋಧಾಭಾಸಗಳಿಂದ ಕೂಡಿದ್ದರಿಂದ ತನಿಖೆಯ ವಿಚಾರಣೆಗೆ ಶುಕ್ರವಾರ ಆಕೆಯನ್ನು ಮತ್ತೆ ಕರೆದಿದ್ದರು. ಈ ವೇಳೆ ಪೊಲೀಸರು ಇನ್ನೂ ಕೆಲವು ಐಪಿಸಿ ಸೆಕ್ಷನ್‌ಗಳನ್ನು ಸೇರಿಸಿ ಪ್ರಕರಣವನ್ನು ಬಲಿಷ್ಠಗೊಳಿಸಿದ್ದಾರೆ.
ಜನವರಿ 1 ರಂದು ಅಂಜಲಿ ಸ್ಕೂಟಿಯಲ್ಲಿ ಹೋಗುತ್ತಿದ್ದಾಗ ಅಪಘಾತಕ್ಕೀಡಾಗಿದ್ದರು. ಬಲೆನೊ ಕಾರಿಗೆ ಸಿಕ್ಕಿಹಾಕಿಕೊಂಡು 12 ಕಿ.ಮೀ. ವರೆಗೆ ಎಳೆದೊಯ್ದಿದ್ದು ಸಾವಿಗೆ ಕಾರಣವಾಯಿತು ಎಂದು ಹೇಳಲಾಗಿದೆ.
Loading ...
