ವಿಶ್ವಕಪ್‌ನಲ್ಲಿ ಚಿನ್ನ ಗೆದ್ದ ಭಾರತದ ಕುವರನ ಶ್ಲಾಘಿಸಿದ ಆನಂದ್‌ ಮಹೀಂದ್ರಾ

ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಅವರು ತಮ್ಮ ಸಾಮಾಜಿಕ ಮಾಧ್ಯಮದ ಅಪ್‌ಡೇಟ್‌ಗಳ ಮೂಲಕ ಹಲವಾರು ವಿಷಯಗಳನ್ನು ಶೇರ್‌ ಮಾಡಿಕೊಳ್ಳುತ್ತಿದ್ದಾರೆ. ಅವರು ಟ್ವಿಟರ್‌ನಲ್ಲಿ 10.5 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ. ಅವರು ತಮ್ಮ ಕ್ಷೇತ್ರಗಳಲ್ಲಿ ಉತ್ತಮ ಯಶಸ್ಸನ್ನು ಸಾಧಿಸಿದ ಜನರ ಸ್ಫೂರ್ತಿದಾಯಕ ಕಥೆಗಳನ್ನು ಸಹ ಹಂಚಿಕೊಳ್ಳುತ್ತಾರೆ.

ಅವರ ಈಗಿನ ಪೋಸ್ಟ್‌ನಲ್ಲಿ, ಇತ್ತೀಚೆಗೆ ಶಾಂಘೈನಲ್ಲಿ ನಡೆದ ಆರ್ಚರಿ ವಿಶ್ವಕಪ್‌ನಲ್ಲಿ ಭಾರತಕ್ಕೆ ಚಿನ್ನದ ಪದಕ ಗೆದ್ದ 19 ವರ್ಷದ ಪ್ರಥಮೇಶ್ ಸಮಾಧಾನ್ ಜಾವ್ಕರ್ ಅವರ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.

ಲೈಫ್ ಕೋಚ್ ಸುಧೀರ್ ಪುತ್ರನ್ ಅವರು ಮೂಲತಃ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ, ಪ್ರಥಮೇಶ್ ಸಮಾಧಾನ್ ಅವರು ನೆದರ್ಲೆಂಡ್ಸ್‌ನ ವಿಶ್ವದ ನಂಬರ್ 1 ಮೈಕ್ ಸ್ಕ್ಲೋಸರ್ ಅವರನ್ನು ಸೋಲಿಸಿ ಚೊಚ್ಚಲ ವಿಶ್ವಕಪ್ ಚಿನ್ನದ ಪದಕವನ್ನು ಪಡೆದರು. ಅವರು ಮೊದಲು ಕೊರಿಯಾದ ಕಿಮ್ ಜೊಂಘೋ ಮತ್ತು ಚೋಯ್ ಯೋಂಗ್ಹೀ ಜೋಡಿಯನ್ನು ಹೊರಹಾಕಿದ್ದರು ಮತ್ತು ಪುರುಷರ ಸಂಯುಕ್ತ ವೈಯಕ್ತಿಕ ಫೈನಲ್‌ನಲ್ಲಿ ಡಚ್‌ನವರನ್ನು 149-148 ರಲ್ಲಿ ಸೋಲಿಸಿದ್ದರು.

ವೀಡಿಯೋವನ್ನು ಹಂಚಿಕೊಂಡಿರುವ ಮಹೀಂದ್ರಾ ಅವರು, ”ಇದು ಕೇವಲ ನಂಬಲಸಾಧ್ಯ. ನಾನು ಇಂದಿನವರೆಗೂ ಯುವಕನ ಬಗ್ಗೆ ಕೇಳಿರಲಿಲ್ಲ. ಆದರೆ ಆತನ ಸಾಧನೆ ಅಪಾರ. ಇನ್ನು ಮುಂದೆ ಅವರನ್ನು ಟ್ರ್ಯಾಕ್ ಮಾಡುತ್ತೇನೆ” ಎಂದಿದ್ದು, ನೂರಾರು ಮಂದಿ ಇದಕ್ಕೆ ಕಮೆಂಟ್‌ ಮಾಡಿ ಯುವಕನ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

https://twitter.com/anandmahindra/status/1660192585145802757?ref_src=twsrc%5Etfw%7Ctwcamp%5Etweetembed%7Ctwterm%5E1660192585145802757%7Ctwgr%5Eedb521de7eb34f43c2e012cb3949c14d88f43e22%7Ctwcon%5Es1_&ref_url=https%3A%2F%2Fwww.ndtv.com%2Foffbeat%2Fjust-incredible-anand-mahindra-shares-inspiring-video-of-19-year-old-archery-champion-prathamesh-jawkar-4054931