BIG NEWS: ಜಾಮೂನು ಮಾಡುವಾಗ ಬಿಸಿಪಾಕ ಬಿದ್ದು ಅವಘಡ: ಮೂವರು ಮಕ್ಕಳಿಗೆ ಗಾಯ: ವಸತಿ ಶಾಲೆ ವಿರುದ್ಧ ಕೇಸ್ ದಾಖಲು

ಕಲಬುರಗಿ: ಜಾಮೂನು ಮಾಡುವಾಗ ಬಿಸಿಪಾಕ ಬಿದ್ದು ಮೂವರು ಮಕ್ಕಳು ಗಾಯಗೊಂಡಿರುವ ಘಟನೆ ಕಲಬುರಗಿ ಜಿಲ್ಲೆಯ ವಸತಿ ಶಾಲೆಯೊಂದರಲ್ಲಿ ನಡೆದಿದೆ.

ಕಲಬುರಗಿಯ ಸ್ವಾಮಿನಾರಾಯಣ ಗುರುಕುಲ ವಸತಿ ಶಾಲೆಯಲ್ಲಿ ಈ ಅವಘಡ ಸಂಭವಿಸಿದೆ. ವಸತಿ ಶಾಲೆಯಲ್ಲಿ ಅಡುಗೆ ಮಾಡುತ್ತಿದ್ದ ವೇಳೆ ಬಿಸಿಪಾಕ ಬಿದ್ದು ಮೂವರು ಮಕ್ಕಳು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಏಪ್ರಿಲ್ 8ರಂದು ವಸತಿ ಶಾಲೆಯಲ್ಲಿ ಈ ಘಟನೆ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಗುರುಕುಲ ವಸತಿ ಶಾಲೆಯ ವಿರುದ್ಧ ಮಕ್ಕಳ ಪೋಷಕರು ಗುಲಬುರ್ಗಾ ಠಾಣೆಯಲ್ಲಿ ಕೇಸ್ ದಾಖಲಿಸಿದ್ದಾರೆ. ಗಾಯಾಳು ಮಕ್ಕಳ ಚಿಕಿತ್ಸಾ ವೆಚ್ಚ ಭರಿಸುವುದಾಗಿ ಶಾಲೆ ಆಡಳಿತಮಂಡಳಿ ಭರವಸೆ ನೀಡಿತ್ತು. ಆದರೆ ಆಸ್ಪತ್ರೆಯ ಬಿಲ್ ಪಾವತಿಸದೇ ಶಾಲೆ ಆಡಳಿತ ಮಂಡಳಿ ವಂಚಿಸಿದೆ ಎಂದು ದೂರು ನೀಡಲಾಗಿದೆ.