ಮಾರ್ಕೆಟ್​ ಬೇಗ ʼಬಂದ್ʼ​ ಮಾಡಿದ್ರೆ ಮಕ್ಕಳಾಗಲ್ಲ: ಪಾಕ್​ ರಕ್ಷಣಾ ಸಚಿವರ ವಿಲಕ್ಷಣ ಸಲಹೆ

ಪಾಕಿಸ್ತಾನದ ರಕ್ಷಣಾ ಸಚಿವ ಖವಾಜಾ ಆಸಿಫ್ ಅವರ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ನೆಟ್ಟಿಗರು ತಲೆ ಕೆರೆದುಕೊಳ್ಳುವಂತೆ ಮಾಡಿದೆ.

ಈ ವಿಡಿಯೋವನ್ನು ಪತ್ರಕರ್ತೆ ನೈಲಾ ಇನಾಯತ್ ಅವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ನೆಟ್ಟಿಗರು ಬಿದ್ದೂ ಬಿದ್ದೂ ನಗುತ್ತಿದ್ದಾರೆ.

ಅಷ್ಟಕ್ಕೂ ರಕ್ಷಣಾ ಸಚಿವರು ಪತ್ರಿಕಾಗೋಷ್ಠಿಯಲ್ಲಿ ಜನಸಂಖ್ಯೆಯ ಬೆಳವಣಿಗೆಯ ಬಗ್ಗೆ ವಿಚಿತ್ರವಾದ ಸಿದ್ಧಾಂತವನ್ನು ಉಲ್ಲೇಖಿಸಿದ್ದು, ನಗುವಿಗೆ ಕಾರಣವಾಗಿದೆ.

ವಿಡಿಯೋದಲ್ಲಿ ಖವಾಜಾ ಆಸಿಫ್ ಹೇಳಿದ್ದೇನೆಂದರೆ, “ರಾತ್ರಿ 8 ಗಂಟೆಗೆ ಮಾರುಕಟ್ಟೆಗಳು ಮುಚ್ಚಲ್ಪಟ್ಟ ಸ್ಥಳಗಳಲ್ಲಿ, ಜನಸಂಖ್ಯೆಯ ಬೆಳವಣಿಗೆ ಕಡಿಮೆಯಾಗಿದೆ” ಎಂದಿದ್ದಾರೆ. ಇದು ಜನರನ್ನು ವಿಚಿತ್ರಕ್ಕೆ ತಳ್ಳಿದೆ. ಅಂದರೆ ಸಚಿವರು ರಾತ್ರಿ 8 ಗಂಟೆಯ ನಂತರ ಶಿಶುಗಳನ್ನು ಮಾಡಲು ಸಾಧ್ಯವಿಲ್ಲ ಎಂದು ಹೇಳುತ್ತಿದ್ದಾರೆಯೇ ಎಂದು ಜನರು ಪ್ರಶ್ನಿಸುತ್ತಿದ್ದು, ಇಂಥ ವಿಚಿತ್ರ ಎಲ್ಲಿಯೂ ಕೇಳಲಿಲ್ಲ ಎನ್ನುತ್ತಿದ್ದಾರೆ.

https://twitter.com/nailainayat/status/1610708431505354752?ref_src=twsrc%5Etfw%7Ctwcamp%5Etweetembed%7Ctwterm%5E1610708431505354752%7Ctwgr%5Eedbbcadd718cbf5e972cf2ffe909189e6b92b1e0%7Ctwcon%5Es1_&ref_url=https%3A%2F%2Fwww.businesstoday.in%2Flatest%2Fstory%2Fjahan-par-8-baje-market-bandh-pakistan-defence-ministers-bizarre-claim-about-population-growth-359123-2023-01-05