ಇಸ್ಲಾಮಿಕ್ ಸಂಸ್ಕೃತಿಯು ಯುರೋಪಿಯನ್ ನಾಗರಿಕತೆಗೆ ಸಂಪೂರ್ಣವಾಗಿ ಹೊಂದಿಕೆಯಾಗುವುದಿಲ್ಲ ಎಂದು ಹೇಳುವ ಮೂಲಕ ಇಟಲಿಯ ಪ್ರಧಾನಿ ಜಿಯೋರ್ಜಿಯಾ ಮೆಲೋನಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಇಟಲಿಯ ಪ್ರಧಾನಿ ರೋಮ್ ನಲ್ಲಿ ತಮ್ಮ ‘ಬ್ರದರ್ಸ್ ಆಫ್ ಇಟಲಿ’ ಪಾರ್ಟಿ ಆಯೋಜಿಸಿದ್ದ ರಾಜಕೀಯ ಉತ್ಸವವನ್ನು ಆಯೋಜಿಸಿದ ನಂತರ ಮಾತನಾಡಿದ್ದಾರೆ. ಇದರಲ್ಲಿ ಯುಕೆ ಪ್ರಧಾನಿ ರಿಷಿ ಸುನಕ್ ಕೂಡ ಭಾಗವಹಿಸಿದ್ದರು.
“ಇಸ್ಲಾಮಿಕ್ ಸಂಸ್ಕೃತಿ ಮತ್ತು ನಮ್ಮ ನಾಗರಿಕತೆಯ ಮೌಲ್ಯಗಳು ಮತ್ತು ಹಕ್ಕುಗಳ ನಡುವೆ ಹೊಂದಾಣಿಕೆಯ ಸಮಸ್ಯೆ ಇದೆ, ಇದನ್ನು ನಾನು ನಂಬುತ್ತೇನೆ. ಇಟಲಿಯ ಇಸ್ಲಾಮಿಕ್ ಸಾಂಸ್ಕೃತಿಕ ಕೇಂದ್ರಗಳಿಗೆ ಸೌದಿ ಅರೇಬಿಯಾ ಹಣಕಾಸು ಒದಗಿಸುತ್ತದೆ. ಯುರೋಪ್ ನಲ್ಲಿ ನಮ್ಮ ನಾಗರಿಕತೆಯ ಮೌಲ್ಯಗಳಿಂದ ದೂರವಿರುವ ಬಹಳ ಇಸ್ಲಾಮೀಕರಣ ಪ್ರಕ್ರಿಯೆ ಇದೆ ಎಂದರು.
ಪ್ರತ್ಯೇಕವಾಗಿ ಮಾತನಾಡಿದ ರಿಷಿ ಸುನಕ್ ‘ಆಶ್ರಯ ವ್ಯವಸ್ಥೆಯಲ್ಲಿ ಜಾಗತಿಕ ಸುಧಾರಣೆಗಳಿಗೆ ಒತ್ತಾಯಿಸುವುದಾಗಿ ಅವರು ಹೇಳಿದ್ದಾರೆ. ನಿರಾಶ್ರಿತರ ಬೆದರಿಕೆಯು ಯುರೋಪಿನ ಕೆಲವು ಭಾಗಗಳನ್ನು “ಮುಳುಗಿಸಬಹುದು” . ಕೆಲವು “ಶತ್ರುಗಳು” ಉದ್ದೇಶಪೂರ್ವಕವಾಗಿ “ನಮ್ಮ ಸಮಾಜಗಳನ್ನು ಅಸ್ಥಿರಗೊಳಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ಅವರು ಎಚ್ಚರಿಸಿದ್ದಾರೆ.
ನಾವು ಈ ಸಮಸ್ಯೆಯನ್ನು ನಿಭಾಯಿಸದಿದ್ದರೆ, ಇದು ಹೆಚ್ಚಾಗಿ ಬೆಳೆಯುತ್ತವೆ. ಇದು ನಮ್ಮ ದೇಶಗಳನ್ನು ಮತ್ತು ನಿಜವಾಗಿಯೂ ನಮ್ಮ ಸಹಾಯದ ಅಗತ್ಯವಿರುವವರಿಗೆ ಸಹಾಯ ಮಾಡುವ ನಮ್ಮ ಸಾಮರ್ಥ್ಯವನ್ನು ಮೀರಿಸುತ್ತದೆ, ಅದಕ್ಕೆ ನಾವು ನಮ್ಮ ಕಾನೂನುಗಳನ್ನು ನವೀಕರಿಸುವ ಅಗತ್ಯವಿದೆ ಎಂದು ರಿಷಿ ಸುನಕ್ ಹೇಳಿದರು.
Loading ...
