ನವದೆಹಲಿ: ಸವಾರರ ಸುರಕ್ಷತೆ ದೃಷ್ಟಿಯಿಂದ ಹೊಸ ದ್ವಿಚಕ್ರ ವಾಹನ ಖರೀದಿಸುವವರಿಗೆ ವಾಹನ ತಯಾರಕರೇ ಎರಡು ಹೆಲ್ಮೆಟ್ ಒದಗಿಸುವುದನ್ನು ಕಡ್ಡಾಯಗೊಳಿಸುವ ಕುರಿತಾಗಿ ಕೇಂದ್ರ ಸರ್ಕಾರ ಚಿಂತನೆ ನಡೆಸುತ್ತಿದೆ.
ಈ ನಿಯಮ ಜಾರಿಗೆ 1989ರ ಕೇಂದ್ರೀಯ ಮೋಟಾರ್ ವಾಹನ ನಿಯಮಗಳಲ್ಲಿ ಬದಲಾವಣೆ ಮಾಡುವ ಪ್ರಸ್ತಾವನೆಯನ್ನು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಮುಂದಿಟ್ಟಿದೆ. ತಿದ್ದುಪಡಿ ಆದ ಹೊಸ ನಿಯಮಗಳು ಅಧಿಕೃತ ರಾಜ್ಯಪತ್ರದಲ್ಲಿ ಪ್ರಕಟವಾದ ಮೂರು ತಿಂಗಳೊಳಗೆ ಕಡ್ಡಾಯವಾಗುತ್ತದೆ.
ಜನವರಿ 1, 2026ರಿಂದ ಅನ್ವಯಿಸುವಂತೆ 50 ಸಿಸಿ ಇಂಜಿನ್ ಸಾಮರ್ಥ್ಯ ಅಥವಾ ಗಂಟೆಗೆ 50 ಕಿಲೋಮೀಟರ್ ಗಿಂತ ಹೆಚ್ಚಿನ ವೇಗಮಿತಿ ಹೊಂದಿರುವ ಮೋಟರ್ ಸೈಕಲ್ ಗಳ ಎಲ್ಲಾ ಹೊಸ ಎಲ್ 2 ವರ್ಗದ ದ್ವಿಚಕ್ರ ವಾಹನಗಳು ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್ ಹೊಂದುವುದು ಕಡ್ಡಾಯ ಮಾಡಲಾಗಿದೆ.
Loading ...
