ರಾಂಚಿ : ರಣಜಿ ಟ್ರೋಫಿಯಲ್ಲಿ ಬಂಗಾಳದ ಪರ ಭರ್ಜರಿ ಪ್ರದರ್ಶನ ನೀಡಿರುವ ಆಕಾಶ್ ದೀಪ್ ಅಂತಿಮವಾಗಿ ಅಂತರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ ಗೆ ಪಾದಾರ್ಪಣೆ ಮಾಡಿದ್ದಾರೆ.
ಆಕಾಶ್ ದೀಪ್ ರಾಂಚಿಯಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯದ ಮೂಲಕ ಟೆಸ್ಟ್ ಪಂದ್ಯಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಭಾರತದ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಫೆಬ್ರವರಿ 23 ರಂದು 27 ವರ್ಷದ ಆಕಾಶ್ ದೀಪ್ ಅವರಿಗೆ ಟೆಸ್ಟ್ ಕ್ಯಾಪ್ ಹಸ್ತಾಂತರಿಸಿದರು.
ಜಾಕ್ ಕ್ರಾಲೆ ವಿಕೆಟ್ ಪಡೆಯುವ ಮೂಲಕ ಆಕಾಶ್ ಆರಂಭದಲ್ಲೇ ಉತ್ತಮ ಆರಂಭ ಕಂಡರು. ಆದರೆ ರಾಂಚಿಯಲ್ಲಿ ನೋ-ಬಾಲ್ ಸೈರನ್ ಸದ್ದು ಮಾಡಿತು. ಆಕಾಶ್ ನಿರಾಶೆಗೊಂಡರು. ಬಳಿಕ ಕ್ರಾಲೆ ಮತ್ತೆ ಕ್ರೀಸ್ ಗೆ ತೆರಳಿದರು.
ಆದಾಗ್ಯೂ, ಅವರು ತಮ್ಮ ಚೊಚ್ಚಲ ವಿಕೆಟ್ ಗಾಗಿ ಹೆಚ್ಚು ಸಮಯ ಕಾಯಲಿಲ್ಲ. ಈ ಘಟನೆಯ ನಂತರ, ಆಕಾಶ್ ಬೆನ್ ಡಕೆಟ್ ಮತ್ತು ಒಲ್ಲಿ ಪೋಪ್ ಅವರ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಗಳನ್ನು ಪಡೆದರು. ಡಕೆಟ್ ಮತ್ತು ಪೋಪ್ ಇಬ್ಬರೂ ಪ್ರಸ್ತುತ ನಡೆಯುತ್ತಿರುವ ಟೆಸ್ಟ್ನಲ್ಲಿ ಇಂಗ್ಲೆಂಡ್ ಪರ ಪ್ರಮುಖ ರನ್ ಸ್ಕೋರರ್ಗಳಾಗಿದ್ದಾರೆ ಮತ್ತು ಅವರ ವಿಕೆಟ್ ಪಡೆಯುವುದು ಖಂಡಿತವಾಗಿಯೂ ಚೊಚ್ಚಲ ಆಟಗಾರನಿಗೆ ಆತ್ಮವಿಶ್ವಾಸವನ್ನು ನೀಡುತ್ತದೆ.
https://twitter.com/i/status/1760885034104258817
Loading ...
