ʼಪ್ರೇಮಿಗಳ ದಿನʼದಂದು ವೈವಾಹಿಕ ಬದುಕಿಗೆ ಕಾಲಿಟ್ಟ ನೂರಕ್ಕೂ ಅಧಿಕ ಸಲಿಂಗಿ ಜೋಡಿ

ಫೆಬ್ರವರಿ 14ರ ಪ್ರೇಮಿಗಳ ದಿನದಂದು ಸಾಮೂಹಿಕ ವಿವಾಹದಲ್ಲಿ 100 ಮಂದಿ ಮದುವೆಯಾಗಿದ್ದಾರೆ. ವಿಶೇಷವೆಂದರೆ ವಿವಾಹವಾದವರೆಲ್ಲಾ ಸಲಿಂಗಿಗಳು. ಈ ಸಮಾರಂಭ ನಡೆದಿರೋದು ಮೆಕ್ಸಿಕೋದಲ್ಲಿ.
ಸಲಿಂಗ ವಿವಾಹವನ್ನು ಕಾನೂನುಬದ್ಧಗೊಳಿಸಿದ ಮೆಕ್ಸಿಕನ್ ನಲ್ಲಿ ಪ್ರೇಮಿಗಳ ದಿನದಂದು ಸಾಮೂಹಿಕ ಸಮಾರಂಭದಲ್ಲಿ ನೂರಾರು ಜೋಡಿಗಳು ವಿವಾಹವಾದರು.

“ನಾವು ಫೆಬ್ರವರಿ 14 ರಂದು ಭೇಟಿಯಾದ ಕಾರಣ ಇದು ನಮಗೆ ಪ್ರಮುಖ ದಿನವಾಗಿದೆ” ಎಂದು 24 ವರ್ಷದ ಸರಾಯ್ ವರ್ಗಾಸ್ ಹೇಳಿದರು.

“ನಾವು ಸಂತೋಷವಾಗಿದ್ದೇವೆ. ಏಕೆಂದರೆ ಕೇವಲ ಮೂರು ತಿಂಗಳ ಹಿಂದೆ ಮೆಕ್ಸಿಕೋದಲ್ಲಿ ಸಲಿಂಗ ವಿವಾಹವನ್ನು ಅನುಮೋದಿಸಲಾಗಿದೆ, ಆದ್ದರಿಂದ ನಾವು ಈ ವರ್ಷ ಮದುವೆಯಾಗಲು ನಿರ್ಧರಿಸಿದ್ದೇವು” ಎಂದು ಅವರು ಹೇಳಿದರು.

ಸುಮಾರು 1,000 ಜೋಡಿಗಳು ಈವೆಂಟ್‌ನಲ್ಲಿ ಭಾಗವಹಿಸಿದ್ದರು. ಇದರಲ್ಲಿ 35 ಸಲಿಂಗ ಒಕ್ಕೂಟಗಳು ಸೇರಿವೆ ಎಂದು ಪುರಸಭೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಅಧಿಕಾರಿಗಳು ಭಾಗವಹಿಸಿದವರಿಗೆ ಹೇರ್ ಡ್ರೆಸ್ಸಿಂಗ್ ಮತ್ತು ಮೇಕಪ್ ಸೇವೆಯನ್ನು ಒದಗಿಸಿದರು. ರಾಜಧಾನಿ ಮೆಕ್ಸಿಕೋ ನಗರದ ಹೊರವಲಯದಲ್ಲಿರುವ ದೇಶದ 32 ರಾಜ್ಯಗಳಲ್ಲಿ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ಮೆಕ್ಸಿಕೋ ರಾಜ್ಯದಲ್ಲಿ ಸಲಿಂಗ ವಿವಾಹವನ್ನು ಅಕ್ಟೋಬರ್‌ನಲ್ಲಿ ಅನುಮೋದಿಸಲಾಯಿತು. ಲ್ಯಾಟಿನ್ ಅಮೇರಿಕನ್ ರಾಷ್ಟ್ರದಾದ್ಯಂತ ಸಲಿಂಗ ವಿವಾಹವು ಈಗ ಕಾನೂನುಬದ್ಧವಾಗಿದೆ.