SHOCKING : ಬೆಂಗಳೂರಿನಲ್ಲಿ ಹರ್ನಿಯಾ ಸರ್ಜರಿ ಮಾಡುವಾಗ ರೋಗಿ ಸಾವು, ಕುಟುಂಬಸ್ಥರ ಆರೋಪ.!

ಬೆಂಗಳೂರು : ಹರ್ನಿಯಾ ಆಪರೇಷನ್ ಗೆ ಹೋದವನು ಶವವಾಗಿ ವಾಪಸ್ ಆದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ನಗರದ ಶೇಷಾದ್ರಿಪುರಂನ ಮಾರುತಿ ನರ್ಸಿಂಗ್ ಹೋಂನಲ್ಲಿ ಈ ಘಟನೆ ನಡೆದಿದೆ. ರಂಗಸ್ವಾಮಿ (37) ಎಂಬುವವರು ಕಳೆದ ಶುಕ್ರವಾರ ಮಾರುತಿ ನರ್ಸಿಂಗ್ ಹೋಂಗೆ ದಾಖಲಾಗಿದ್ದರು. 40 ಸಾವಿರ ಹಣ ಕೊಡ ಕಟ್ಟಿದ್ದರು ಎನ್ನಲಾಗಿದೆ.ಭಾನುವಾರ ಆಪರೇಷನ್ ಮಾಡುತ್ತೇವೆ ಎಂದು ವೈದ್ಯರು ಹೇಳಿದ್ದರು. ಭಾನುವಾರ ಬೆಳಗ್ಗೆ 9 ಗಂಟೆಗೆ 2 ಇಂಜೆಕ್ಷನ್ ಕೊಟ್ಟಿದ್ದಾರೆ ಎಂದು ರಂಗಸ್ವಾಮಿ ಪತ್ನಿ ಸಂಗೀತಾ ಆರೋಪಿಸಿದ್ದಾರೆ.

ಹೆವಿಡೋಸ್ ಇಂಜೆಕ್ಷನ್ ಕೊಟ್ಟು ನನ್ನ ಪತಿಯನ್ನು ಸಾಯಿಸಿದ್ದಾರೆ. ಬಳಿಕ ನನ್ನ ಪತಿ ಹಾರ್ಟ್ ಅಟ್ಯಾಕ್ ನಿಂದ ಸಾವನ್ನಪ್ಪಿದ್ದಾರೆ ಎಂದು ಆಸ್ಪತ್ರೆಯವರು ಹೇಳಿದ್ದಾರೆ ಎಂದು ರಂಗಸ್ವಾಮಿ ಪತ್ನಿ ಸಂಗೀತಾ ಕಣ್ಣೀರಿಟ್ಟಿದ್ದಾರೆ.