ಪ್ರಯಾಣಿಕರಿಗೆ ಗುಡ್ ನ್ಯೂಸ್: ರೈಲುಗಳಿಗೆ ಹೆಚ್ಚುವರಿ ಬೋಗಿ ಅಳವಡಿಕೆ

ಬೆಂಗಳೂರು: ಪ್ರಯಾಣಿಕರ ಅನುಕೂಲಕ್ಕಾಗಿ ಕೆಲವು ರೈಲುಗಳಿಗೆ ಹೆಚ್ಚುವರಿ ಬೋಗಿ ಅಳವಡಿಸಲು ನೈರುತ್ಯ ರೈಲ್ವೇ ನಿರ್ಧಾರ ಕೈಗೊಂಡಿದೆ.

ಕೆಎಸ್ಆರ್ ಬೆಂಗಳೂರು –ಮಿರಜ್- ಕೆಎಸ್ಆರ್ ಬೆಂಗಳೂರು ಎಕ್ಸ್ ಪ್ರೆಸ್ ಗೆ(16589/16590) ತಾತ್ಕಾಲಿಕವಾಗಿ ಜುಲೈ 2 ರವರೆಗೆ ಒಂದು ಹೆಚ್ಚುವರಿ ಎಸಿ ಪ್ರಥಮ ದರ್ಜೆ ಕೋಚ್ ಅಳವಡಿಸಲಾಗುವುದು.

ಬೆಂಗಳೂರು -ಬೆಳಗಾವಿ -ಕೆಎಸ್ಆರ್ ಬೆಂಗಳೂರು ಎಕ್ಸ್ ಪ್ರೆಸ್ ಗೆ ತಾತ್ಕಾಲಿಕವಾಗಿ ಒಂದು ಹೆಚ್ಚುವರಿ ಎಸಿ ಪ್ರಥಮ ದರ್ಜೆ ಕೋಚ್ ಅಳವಡಿಸಲಾಗುವುದು.

ಯಶವಂತಪುರ –ಚಂಡೀಗಢ- ಯಶವಂತಪುರ ಎಕ್ಸ್ ಪ್ರೆಸ್ ಗೆ(22685/22686) ತಾತ್ಕಾಲಿಕವಾಗಿ ಜುಲೈ 5ರವರೆಗೆ ಒಂದು ಹೆಚ್ಚುವರಿ ತ್ರೀ ಟೈಯರ್ ಕೋಚ್ ಅಳವಡಿಸಲಾಗುವುದು.

ಕೆಎಸ್ಆರ್ ಬೆಂಗಳೂರು –ಹುಬ್ಬಳ್ಳಿ- ಕೆಎಸ್ಆರ್ ಬೆಂಗಳೂರು ಜನಶತಾಬ್ದಿ ಎಕ್ಸ್ ಪ್ರೆಸ್ ಗೆ(12079/ 12080) ತಾತ್ಕಾಲಿಕವಾಗಿ ಜುಲೈ 1ರವರೆಗೆ ಒಂದು ಎರಡನೇ ದರ್ಜೆಯ ಚೇರ್ ಕಾರ್ ಕೋಚ್ ಹೆಚ್ಚುವರಿಯಾಗಿ ಅಳವಡಿಸಲಾಗುವುದು.

ಶಿವಮೊಗ್ಗ -ಕೆಎಸ್ಆರ್ ಬೆಂಗಳೂರು ಜನಶತಾಬ್ದಿ ಎಕ್ಸ್ ಪ್ರೆಸ್ ಗೆ(12089/12099) ತಾತ್ಕಾಲಿಕವಾಗಿ ಜುಲೈ 2 ರವರೆಗೆ ಒಂದು ಹೆಚ್ಚುವರಿ 2ನೇ ದರ್ಜೆಯ ಚೇರ್ ಕಾರ್ ಕೋಚ್ ಅಳವಡಿಸಲಾಗುವುದು ಎಂದು ಹೇಳಲಾಗಿದೆ.