ಚಿನ್ನಾಭರಣ ಖರೀದಿಸುವವರಿಗೆ ಗುಡ್ ನ್ಯೂಸ್: ಚಿನ್ನ, ಬೆಳ್ಳಿ ದರ ಭಾರೀ ಇಳಿಕೆ

ನವದೆಹಲಿ: ಚಿನ್ನಾಭರಣ ಖರೀದಿಸುವವರಿಗೆ ಸಿಹಿ ಸುದ್ದಿ ಇಲ್ಲಿದೆ. ಶುಕ್ರವಾರ ಚಿನ್ನದ ದರ 1400 ರೂ.ಕುಸಿತ ಕಂಡಿದೆ.

ಜಾಗತಿಕ ಮಾರುಕಟ್ಟೆಯಲ್ಲಿನ ಬೆಳವಣಿಗೆ ಆಧರಿಸಿ ದೇಶಿಯ ಮಾರುಕಟ್ಟೆಯಲ್ಲಿ ಶುಕ್ರವಾರ ಚಿನ್ನ ಮತ್ತು ಬೆಳ್ಳಿ ದರ ಕುಸಿತ ಕಂಡಿದೆ. ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಶೇಕಡ 99.9ರಷ್ಟು ಶುದ್ಧತೆಯ 10 ಗ್ರಾಂ ಚಿನ್ನದ ದರ ಶುಕ್ರವಾರ 1400 ರೂ.ಕುಸಿತ ಕಂಡಿದ್ದು, 79,500 ರೂಪಾಯಿಗೆ ಮಾರಾಟವಾಗಿದೆ. ಗುರುವಾರ 80,900 ರೂಪಾಯಿ ದರ ಇತ್ತು.

ಶೇಕಡ 99.5 ಶುದ್ಧತೆಯ ಚಿನ್ನದ ದರ 10 ಗ್ರಾಂ ಗೆ ಗುರುವಾರ 80,500 ರೂಪಾಯಿ ಇದ್ದು, ಶುಕ್ರವಾರ 79,100 ರೂಪಾಯಿಗೆ ಇಳಿದಿದೆ. ಬೆಳ್ಳಿ ದರ ಶುಕ್ರವಾರ ಕೆಜಿಗೆ 4200 ರೂ.ನಷ್ಟು ಕುಸಿತವಾಗಿದೆ. 92,800 ರೂ.ಗೆ ಮಾರಾಟವಾಗಿದೆ. ಗುರುವಾರ ಕೆಜಿ ಬೆಳ್ಳಿ ದರ 97,000 ರೂ. ಇತ್ತು.