ಚಿನ್ನಾಭರಣ ಖರೀದಿಸುವವರಿಗೆ ಶುಭ ಸುದ್ದಿ: ಚಿನ್ನದ ಬೆಲೆ 800 ರೂ. ಇಳಿಕೆ

ಗುಡ್‌ ರಿಟರ್ನ್ಸ್‌ ಅಂಕಿಅಂಶಗಳ ಪ್ರಕಾರ, ಭಾರತದಲ್ಲಿ ಚಿನ್ನದ ಬೆಲೆ ಇಳಿಕೆಯಾಗಿದೆ. 22 ಕ್ಯಾರೆಟ್ ಚಿನ್ನ ಬುಧವಾರ 5,500 ರೂ.ಗೆ ಹೋಲಿಸಿದರೆ 5,420 ರ ದರದಲ್ಲಿ ಮಾರಾಟವಾಗಿದೆ.

8 ಗ್ರಾಂ ಮತ್ತು 10 ಗ್ರಾಂನ 22 ಕ್ಯಾರೆಟ್ ಚಿನ್ನದ ಬೆಲೆಯೂ 640 ರೂ. ಮತ್ತು 800 ರೂ. ಇಳಿಕೆಯಾಗಿದ್ದು, ಈಗ ಕ್ರಮವಾಗಿ 43,360 ರೂ. ಮತ್ತು 54,200 ರೂ. ಆಗಿದೆ.

24 ಕ್ಯಾರೆಟ್ ಚಿನ್ನದ ಬೆಲೆ ಗುರುವಾರವೂ ಕುಸಿತ ಕಂಡಿದೆ. ಒಂದು ಗ್ರಾಂ 24 ಕೆ ಚಿನ್ನದ ಬೆಲೆ 5,913 ರೂ.ರಷ್ಟಿದ್ದರೆ 8 ಗ್ರಾಂ ಮತ್ತು 10 ಗ್ರಾಂ ಕ್ರಮವಾಗಿ 47,304 ರೂ. ಮತ್ತು 59,130 ರೂ.ರಷ್ಟಿದೆ. 100 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 5,91,300 ರೂ.

ಗುಡ್‌ ರಿಟರ್ನ್ಸ್ ಪ್ರಕಾರ ಬುಧವಾರದಿಂದ ಒಂದು ಗ್ರಾಂ, ಎಂಟು ಗ್ರಾಂ, 10 ಗ್ರಾಂ ಮತ್ತು 100 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆಗಳು ಕ್ರಮವಾಗಿ 87 ರೂ., 696 ರೂ., 870 ರೂ. ಮತ್ತು 8,700 ರೂ. ನಷ್ಟು ಇಳಿಕೆಯಾಗಿದೆ.

ಗುರುವಾರ ಬೆಳ್ಳಿಯ ಬೆಲೆಯಲ್ಲಿ ಸ್ವಲ್ಪ ಇಳಿಕೆ ಕಂಡುಬಂದಿದೆ. ಕೆಜಿಗೆ 500 ರೂ. ಕಡಿಮೆಯಾಗಿದ್ದು, 71,600 ರೂ.ಗೆ ಮಾರಾಟವಾಗಿದೆ.