ಗೋ ಪೂಜೆ ವೇಳೆ ಚಿನ್ನದ ಸರ ನುಂಗಿದ ಹಸು: ಶಸ್ತ್ರಚಿಕಿತ್ಸೆ ನಡೆಸಿ ಹೊರ ತೆಗೆದ ವೈದ್ಯರು

ಶಿವಮೊಗ್ಗ: ಗೋಪೂಜೆ ವೇಳೆ ಕೊರಳಿಗೆ ಹಾಕಿದ್ದ ಚಿನ್ನದ ಸರವನ್ನು ಹಸು ನುಂಗಿದ್ದು, ಶಸ್ತ್ರ ಚಿಕಿತ್ಸೆ ನಡೆಸಿ ಸರವನ್ನು ಹೊರ ತೆಗೆಯಲಾಗಿದೆ.

ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನ ಮತ್ತಿಮನೆ ಗ್ರಾಮದಲ್ಲಿ ಘಟನೆ ನಡೆದಿದೆ. ಸತ್ಯಾವತಿ ಉಡುಪ ಎಂಬುವರು ಮನೆಯಲ್ಲಿ ಗೋಪೂಜೆ ವೇಳೆ ಹಸುವಿಗೆ 12 ಗ್ರಾಂ ತೂಕದ 70,000 ರೂ. ಮೌಲ್ಯದ ಚಿನ್ನದ ಸರ ಹಾಕಿದ್ದಾರೆ. ಹಸು ಹೂವಿನ ಹಾರದ ಜೊತೆಗೆ ಚಿನ್ನದ ಸರವನ್ನು ಕೂಡ ನುಂಗಿದೆ.

ಕೋಣಂದೂರು ಪಶು ವೈದ್ಯ ಡಾ. ಆನಂದ್ ಅವರ ತಂಡ ಭಾನುವಾರ ಯಶಸ್ವಿಯಾಗಿ ಹಸುವಿಗೆ ಶಸ್ತ್ರ ಚಿಕಿತ್ಸೆ ನೆರವೇರಿಸಿ ಹಸುವಿನ ಹೊಟ್ಟೆಯಲ್ಲಿದ್ದ ಚಿನ್ನದ ಸರ ಹೊರ ತೆಗೆದಿದ್ದಾರೆ.