ಈಗಿನ ದಿನಗಳಲ್ಲಿ ಜನರಿಗೆ ರೀಲ್ಸ್ ಹುಚ್ಚು ಎಷ್ಟು ಹೆಚ್ಚಾಗಿದೆ ಅಂದ್ರೆ ಒಬ್ಬ ವ್ಯಕ್ತಿ ಸಾವನ್ನಪ್ಪುತ್ತಿದ್ದರೂ ಆತನನ್ನು ರಕ್ಷಿಸದೆ ಅಲ್ಲೇ ರೀಲ್ಸ್ ಮಾಡ್ತಿದ್ದಾರೆ. ಅದಕ್ಕೆ ಈಗ ಇನ್ನೊಂದು ವಿಡಿಯೋ ಸಾಕ್ಷ್ಯವಾಗಿದೆ. ಈ ವಿಡಿಯೋದಲ್ಲಿ ದಾರಿ ಮಧ್ಯೆ ಮೂವರು ಕಿತ್ತಾಡಿಕೊಳ್ತಿದ್ದಾರೆ. ಜುಟ್ಟು ಹಿಡಿದು ಜಗಳ ಮಾಡ್ತಿದ್ದಾರೆ. ಕೆಲವರು ಜಗಳ ಬಿಡಿಸುವ ಪ್ರಯತ್ನ ನಡೆಸಿದ್ರೆ ಮತ್ತೆ ಕೆಲವರು ನಿಂತು ನೋಡ್ತಿದ್ದಾರೆ. ಇದ್ರ ಮಧ್ಯೆ ಹುಡುಗಿಯೊಬ್ಬಳು ರೀಲ್ಸ್ ಮಾಡಿದ್ದಾಳೆ.
ಈ ಜಗಳವನ್ನೇ ತನ್ನ ರೀಲ್ಸ್ ಗೆ ಬಳಸಿಕೊಂಡಿದ್ದಾಳೆ. ಹಿಂದೆ ಜಗಳವಾಡ್ತಿದ್ದರೆ ಕ್ಯಾಮರಾ ಮುಂದೆ ಹುಡುಗಿ ನಗ್ತಿದ್ದಾಳೆ. ಈ ವಿಡಿಯೋವನ್ನು ಎಕ್ಸ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಇದು ಹಿಮಾಚಲ ಪ್ರದೇಶದ ವಿಡಿಯೋ. ಕಳೆದ 2-3 ವರ್ಷಗಳಲ್ಲಿ, ಶಿಮ್ಲಾದ ರಿಡ್ಜ್ ಭಯಾನಕ ಚಟುವಟಿಕೆಗಳ ಹಾಟ್‌ಸ್ಪಾಟ್‌ ಆಗಿ ಮಾರ್ಪಟ್ಟಿದೆ. ರೀಲ್ ತಯಾರಕರು ಈ ಸ್ಥಳವನ್ನು ಆಕ್ರಮಿಸಿಕೊಂಡಿದ್ದಾರೆ ಮತ್ತು ಪ್ರತಿದಿನ ಇಂತಹ ಅಸಂಬದ್ಧ ವೀಡಿಯೊಗಳನ್ನು ಮಾಡಲಾಗುತ್ತದೆ. ಇಂಥ ಜನರ ವಿರುದ್ಧ ಕಠಿಣ ಕಾನೂನುಗಳನ್ನು ತೆಗೆದುಕೊಳ್ಳಬೇಕೆಂದು ಶೀರ್ಷಿಕೆ ಹಾಕಲಾಗಿದೆ.
ಎಕ್ಸ್‌ ನ ಈ ವಿಡಿಯೋ ವೇಗವಾಗಿ ವೈರಲ್‌ ಆಗಿದೆ. ಈವರೆಗೆ 11,000ಕ್ಕೂ ಹೆಚ್ಚು ವೀಕ್ಷಣೆಯನ್ನು ಪಡೆದಿದೆ. ಜಗಳ ಬಿಡಿಸುವ ಬದಲು ಹುಡುಗಿ ರೀಲ್ಸ್ ಮಾಡ್ತಿರೋದನ್ನು ನೋಡಿದ ಬಳಕೆದಾರರು ಕೋಪ ವ್ಯಕ್ತಪಡಿಸಿದ್ದಾರೆ.
https://twitter.com/iNikhilsaini/status/1816847552676835549?ref_src=twsrc%5Etfw%7Ctwcamp%5Etweetembed%7Ctwterm%5E1816847552676835549%7Ctwgr%5E1dcce4ddbe60fc3296d68b26e91adafa18272a2f%7Ctwcon%5Es1_&ref_url=https%3A%2F%2Fm.dailyhunt.in%2Fnews%2Findia%2Fenglish%2Fnews18-epaper-dh523feb6a21f54358acc1d5d04a629da5%2Fgirlrecordsreelamiduglystreetfightinternetthinkssheisinsensitive-newsid-n624231974
Loading ...
