‘ತಂಪು ಕನ್ನಡಕ’ ಫ್ಯಾಷನ್ ಗಷ್ಟೇ ಅಲ್ಲ

ಹೊಸ ಹೊಸ ಮಾದರಿಯ ತಂಪು ಕನ್ನಡಕಗಳು ಮಾರುಕಟ್ಟೆಗೆ ಬರ್ತಾನೇ ಇರ್ತವೆ. ನಾವು ಯುವಿ ರಕ್ಷಣೆ ಬಗ್ಗೆ ಕೇರ್ ಮಾಡದೆ ನಮಗಿಷ್ಟವಾದ ಕೂಲಿಂಗ್ ಗ್ಲಾಸ್ ಕೊಳ್ಳೋದು ಸಾಮಾನ್ಯ. ಸನ್ ಗ್ಲಾಸ್ ಗಳ ಬಗ್ಗೆ ನಮ್ಮಲ್ಲಿ ಕೆಲವೊಂದು ತಪ್ಪು ಗ್ರಹಿಕೆಗಳಿವೆ. ಹಾಗಾಗಿ ಸೂಕ್ತ ಸನ್ ಗ್ಲಾಸ್ ಆಯ್ಕೆ ಮಾಡಿಕೊಳ್ಳುವಲ್ಲಿ ನಾವು ಎಡವುತ್ತೇವೆ. ಅವು ಯಾವುವು ಅನ್ನೋದನ್ನು ನೋಡೋಣ.

ಸನ್ ಗ್ಲಾಸ್ ಕೇವಲ ಒಂದು ಫ್ಯಾಷನ್ ಎಕ್ಸೆಸ್ಸರಿ ಎಂಬ ಅಭಿಪ್ರಾಯ

ತಂಪು ಕನ್ನಡಕ ಕೇವಲ ಫ್ಯಾಷನ್ ಗಷ್ಟೆ ಅನ್ನೋ ಭಾವನೆ ಜನರಲ್ಲಿದೆ. ತಮ್ಮ ಸ್ಟೈಲ್ ಮತ್ತು ಅಪಿಯರೆನ್ಸ್ ಗೆ ಪರ್ಫೆಕ್ಟ್ ಎನಿಸುವಂತಹ ಕೂಲಿಂಗ್ ಗ್ಲಾಸ್ ಅನ್ನು ಆಯ್ಕೆ ಮಾಡಿಕೊಳ್ತಾರೆ. ಆದ್ರೆ ತಂಪು ಕನ್ನಡಕ ನಿಮ್ಮ ಸೌಂದರ್ಯ ಹೆಚ್ಚಿಸುವುದರ ಜೊತೆಗೆ ಪ್ರಜ್ವಲಿಸುವ ಬಿಸಿಲು ಮತ್ತು ಸೂರ್ಯನ ಹಾನಿಕಾರಕ ಕಿರಣಗಳಿಂದ ನಿಮ್ಮ ಕಣ್ಣುಗಳನ್ನು ರಕ್ಷಿಸುತ್ತದೆ.

ಕನ್ನಡಕ ಬಂದಿದ್ದರೆ ಸನ್ ಗ್ಲಾಸ್ ಬಳಸಬಾರದು ಎಂಬ ಭಾವನೆ

ಎಷ್ಟೋ ಮಂದಿಗೆ ದೃಷ್ಟಿದೋಷವಿರುತ್ತದೆ. ಹಾಗಾಗಿ ಅವರು ಕನ್ನಡಕ ಧರಿಸ್ತಾರೆ. ಯಾರ ಕಣ್ಣಿಗೆ ಕನ್ನಡಕ ಬಂದಿದೆಯೋ ಅವರು ಕೂಲಿಂಗ್ ಗ್ಲಾಸ್ ಬಳಸಬಾರದು ಅನ್ನೋ ಆತಂಕ ಕೂಡ ಇದೆ. ಕನ್ನಡಕ ಬಳಸುವವರು ಕೂಡ ದೃಷ್ಟಿಮಾಪನಕಾರರನ್ನು ಭೇಟಿಯಾಗಿ ಅವರ ಸಲಹೆಯಂತೆ ನಿಮಗೆ ಸೂಕ್ತವಾದ ಸನ್ ಗ್ಲಾಸ್ ಪಡೆದುಕೊಳ್ಳಬಹುದು.