ಹಾಸ್ಟೆಲ್ ಗೋಡೆ ಮೇಲೆ ಪ್ರಚೋದನಾಕಾರಿ ಬರಹ: ಕಾಲೇಜ್ ವಿದ್ಯಾರ್ಥಿನಿ ಅರೆಸ್ಟ್

ಉಡುಪಿ: ಕಾಲೇಜು ಹಾಸ್ಟೆಲ್ ಗೋಡೆ ಮೇಲೆ ಪ್ರಚೋದನಾಕಾರಿ ಬರಹ ಬರೆದ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿದ್ಯಾರ್ಥಿನಿಯನ್ನು ಪೊಲೀಸರು ಬಂಧಿಸಿದ್ದಾರೆ.

21 ವರ್ಷದ ಫಾತಿಮಾ ಶಬ್ನಾ ಬಂಧಿತ ಆರೋಪಿ. ಮೇ 7ರಂದು ಸಂಜೆ ನಿಟ್ಟೆ ಕಾಲೇಜಿನ ಹಾಸ್ಟೆಲ್ ಶೌಚಾಲಯ ಕೊಠಡಿ ಗೋಡೆಯ ಮೇಲೆ ಎರಡು ಸಮುದಾಯಗಳ ನಡುವೆ ದ್ವೇಷ ಹರಡುವ ರೀತಿ ಬರಹ ಬರೆದಿರುವುದು ಕಂಡುಬಂದಿದ್ದು, ಪರಿಶೀಲನೆ ನಡೆಸಿದ ಕಾರ್ಕಳ ಗ್ರಾಮಾಂತರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದರು.

ಈ ಕುರಿತಾಗಿ ತನಿಖೆ ನಡೆಸಿದ ಪೊಲೀಸರು ಆರೋಪಿಯನ್ನು ಬಂಧಿಸಿ ಕಾರ್ಕಳ ಕೋರ್ಟ್ ಗೆ ಹಾಜರುಪಡಿಸಿದ್ದಾರೆ.