BREAKING : ತಮಿಳುನಾಡಿನಲ್ಲಿ ಭೀಕರ ಅಪಘಾತ : ಇಟ್ಟಿಗೆ ತುಂಬಿದ್ದ ಟೆಂಪೂ ಪಲ್ಟಿಯಾಗಿ ಮೂವರು ದಾರುಣ ಸಾವು

ತಮಿಳುನಾಡು : ಟೆಂಪೊ ಪಲ್ಟಿಯಾದ ಪರಿಣಾಮ ದಂಪತಿ ಸೇರಿದಂತೆ ಮೂವರು ಸಾವನ್ನಪ್ಪಿರುವ ಘಟನೆ ಡೆಂಕಣಿಕೊಟ್ಟೈ ಬಳಿ ನಡೆದಿದೆ.

ಹಾಲೋ ಬ್ಲಾಕ್ಸ್ ಇಟ್ಟಿಗೆಗಳನ್ನು ತುಂಬಿದ ಟೆಂಪೊವನ್ನು ಉತ್ತರ ಪ್ರದೇಶದ ಸುಜಿತ್ ಕುಮಾರ್ (20) ಡೆಂಕಣಿಕೊಟ್ಟೈನಿಂದ ಅಂಚೆಟ್ಟಿಗೆ ಓಡಿಸುತ್ತಿದ್ದರು.

ಯುಪಿ  ಮೂಲದ   ಗೋವಿಂದ ಅವರು ಇಟ್ಟಿಗೆಯ ಮೇಲೆ ಕುಳಿತಿದ್ದರು. ಪೊಲೀಸರ ಪ್ರಕಾರ, ತಿರುವಿನಲ್ಲಿ ಟೆಂಪೋ ತಿರುಗುವಾಗ ನಿಯಂತ್ರಣ ಕಳೆದುಕೊಂಡು ಬೈಕ್ ಮೇಲೆ ಪಲ್ಟಿಯಾಗಿದೆ ಎಂದು ವರದಿಯಾಗಿದೆ. ಬೈಕ್ ನಲ್ಲಿದ್ದ ತಕ್ಕಟಿ ಪಂಚಾಯತ್ ನ ಮಾದೇಶ್ (35) ಮತ್ತು ಅವರ ಪತ್ನಿ ಜಯಲಕ್ಷ್ಮಿ (35) ಅವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಲಾರಿಯಲ್ಲಿದ್ದ ಗೋವಿಂದ ಕೂಡ ಮೃತಪಟ್ಟಿದ್ದಾರೆ.